Hopp til innhold

Haaland i selskap med Rooney og Raúl etter monsterdebut

Erling Braut Haaland ga fotballeuropa hakeslepp med hat trick(!) i sin første omgang i meisterligaen.

Haaland

I FYR OG FLAMME: Erling Braut Haaland i ekstase etter ein av tre scoringar for Salzburg i første omgang mot Genk.

Foto: LEONHARD FOEGER

Laster innhold, vennligst vent..

– Vi har fått ei verdsstjerne! ropte Viasat-kommentator Eivind Bisgaard Sundet.

19-åringen brukte to minutt på å fyre opp heimefansen og 45 minutt på å tenne eit ekstatisk Twitter-publikum over heile verda.

– Eg føler meg veldig bra, seier ein ordknapp Haaland i eit intervju vist på Viasat.

Med tre mål mot Genk i meisterligaen fører Erling Braut Haaland seg inn i ei eksklusiv rekke med debutantar.

For plutseleg formidla statistikktenestene prestasjonar frå Rooney, Raúl og Haaland i samme åndedrag.

Tredje yngste i historia

Haaland er nemleg den tredje spelaren gjennom historia til å score i løpet av dei første to minutta i ein meisterliga-debut. Kun Andreas Möller i 1995 og Eliaquim Mangala i 2009 har gjort det før han.

Han er den første tenåringen som scorar meir enn ein gang i sin meisterliga-debut sidan Wayne Rooney scora hat trick for Manchester United mot Fenerbahce i 2004.

Jærbuen er med sine 19 år og 58 dagar den tredje yngste gjennom historia til å score eit meisterliga-hat trick. Spania og Real Madrids Raúl gjorde det i 1995 i ein alder av 18 år og 113 dagar. Og Wayne Rooney gjorde det altså i ein alder av 18 år og 340 dagar i 2004, skriv statistikktenesta Opta.

Laster Twitter-innhold

Haaland optimist før Liverpool-møte

Salzburg høvla over Genk, og leia vanvittige 5-1 til pause etter øvrige scoringar frå Hee-chan og Szoboszlai.

Men Twitter kokte meir over i begeistring av Haaland enn resultatet. På telefon med NRK kokte det også for fotballekspert Carl-Erik Torp.

– Det er stort. Det er heilt rått. Han bare bekreftar spisskompetansen til å score mål, der han bare krummar nakken. Han er fullstendig uredd og unorsk - det er utruleg stort, seier NRK-ekspert Torp.

Samtidig er han snar med å påpeike at Genks forsvarsspel har vore under einkvar kritikk og at Haaland kjem til å få bryna seg på langt tøffare midtstopparar mot Liverpool og Napoli.

– Eg skal ta fullstendig av om han gjør det same mot Liverpool, seier Torp om ungguten som blei tatt av banen til ståande applaus etter 71 minutt.

Haaland er optimist før møtet med Liverpool.

– Alt er mogleg. Du såg korleis Ajax gjorde det i fjor. Det hadde vore fint å bli det nye Ajax, seier 19-åringen.

Haaland

KANONSTART: Haaland dundra inn 1-0 mot sjanselause Genk-spelarar.

Foto: LEONHARD FOEGER

– Klubbane siklar etter han

Haaland har ein spinnvill statistikk i sesonginnleiinga. I den austerrikske serien står han bokført med 11 mål på sju seriekampar. Når har han allereie plussa på med tre på ein meisterligakamp, blir målsnittet smått utruleg.

Og januarvinduet nærmar seg med stormskritt.

– Eg spår at det blir fulle tribunar med agentar og klubbar som siklar etter han og ikkje vil la anledninga gå frå seg. Dei vil kaste seg over han. Det blir spennande å sjå kva som blir neste steg. Men det er ingen tvil om at han får sjansen i ein større liga enn der han er no. Salzburg veit også det. Dei sit på gull, seier Torp, utan at han vil spekulere i kva land som passar lysluggen aller best.

Laster Twitter-innhold

Siste nytt

  • Keepertabbe ødela mektig engelsk snuoperasjon

    Luke Shaw, Mason Mount og Harry Kane scoret da England snudde 0-2 til 3-2 mot Tyskland i nasjonsligaen mandag. En keepertabbe ga så 3-3 i en ellevill kamp.

    Premier League-stjernene Ilkay Gündogan og Kai Havertz scoret hvert sitt mål i første halvdel av annen omgang og så ut til å ha påført England en ny tung nedtur i generalprøven foran sluttspillet i Qatar. Så tok kampen fullstendig fyr.

    En forrykende avslutning på kampen ga det engelske laget solid og etterlengtet vind i VM-seilene, selv om seieren glapp på tampen.

    Først dukket Manchester United-backen Luke Shaw opp på bakerste stolpe og satte inn reduseringen til 1-2. Deretter kombinerte innbytterne Bukayo Saka og Mason Mount fint, før sistnevnte hamret inn utligningen fra litt distanse. Da var det et kvarter igjen å spille på Wembley.

    Ni minutter før full tid var snuoperasjonen et faktum da dommeren måtte ha VAR-hjelp for å avdekke straffesparket Jude Bellingham hadde skaffet i duellen med en tysk forsvarsspiller.

    Fra krittmerket var Harry Kane iskald.

    Da så kampen ut til å være avgjort, men den gang ei. Like etter det engelske ledermålet ga Englands keeper Nick Pope en svak retur på en avslutning og forærte Kai Havertz muligheten til å utligne. Tyskeren takket for tilbudet og slo til. (NTB)

    Britain England Germany Nations League Soccer
    Foto: Alastair Grant / AP
  • Stjerneduellen avlyst: - Feiging

    Tungvektsboksaren Tyson Fury seier det ikkje blir noko britisk stjernemøte mellom han sjølv og Anthony Joshua fordi kontraktsfristen er gått ut.

    Joshua sa så seint som søndag at han akta å signere kontrakten som vil realisere tungvektsduellen mot Fury. Samtidig sette Fury måndag klokka 17 britisk tid som frist for at papira måtte vere underteikna.

    Då den omtalte fristen var gått ut, var etter seiande ingenting på plass.

    – Det er offisielt. D-dagen har kome og gått. Det har passert klokka 17 måndag, og ingen kontrakt er underteikna. Det er offisielt over for Joshua, seier Fury i eit innlegg på Instagram.

    – Han er no ute i kulda saman med ulveflokken. Gløym det. Idiot. Feiging, heldt tungvektstjerna fram.

    Vidare ønskte han Joshua lykke til med den vidare karrieren og livet.

    Joshua var på si side tydeleg søndag på at ting ville ta noko tid. Han viste til at juridiske rådgivarar jobba med kontrakten.

    Tyson Fury og Anthony Joshua
    Foto: FAYEZ NURELDINE] [RINGO CHIU / AFP
  • Treigt dansk billettsal til fotball-VM

    Det danske herrelandslaget i fotball er populært, men førebels er det berre selt 2000 billettar til danske fans før det omstridde VM-sluttspelet i Qatar.

    Det gir eit snitt på færre enn 700 billettar fordelt på dei tre gruppespelkampane til Danmark. Direktør Jakob Jensen i Det danske fotballforbundet (DBU) opplyser om billettsalet til Ekstra Bladet.

    – Vi gir gjerne danskane rettleiing om opphaldet, men vi arrangerer ingen fanzoner eller har andre aktivitetar i Qatar, for vi ønsker ikkje å støtte opp om landet, seier Jensen til avisa.

    Det er under to månader til fotball-VM. Kritikken av Qatar, i tillegg til dyre hotellprisar, har vore med på å skremme vekk danske supporterar, skriv nyheitsbyrået Ritzau.

    Ifølge Ekstra Bladet kan danske supporterar i teorien legge beslag på mellom 3000 og 5000 billettar til kvar kamp. DBU har fråssagt seg rettane til å distribuere billettane.

    Danmark jubler
    Foto: RITZAU SCANPIX DENMARK / Reuters

Sendeplan

Kl. Program Kanal
Spilleliste med 62 klipp
Sport
Spiller nå
Haaland om anklagene mot City-eierne: – Drøye ord 01:20
Neste