NRK Meny
Normal

Nye lekkasjar frå WADA-hackarane: Froome og Wiggins blant dei utleverte

Den russiske hacker-gruppa Fancy Bears har utlevert fleire medisinske opplysningar etter innbrotet i WADAs database.

CYCLING-TOUR/

LEKKASJAR: Chris Froomes medisinske opplysningar er blant det som er lekka frå den russiske hacker-gruppa

Foto: POOL / Reuters

Denne gongen har dei offentleggjort sensitive medisinske opplysningar om 25 nye OL-deltakarar i Rio. Blant dei er dei britiske syklistane Bradley Wiggins og Chris Froome, Tsjekkias tennisstjerne Petra Kvitova og den danske symjaren Pernille Blume.

Blume tok gull på 50 m fri i OL, og dei lekka medisinske journalane viser at ho har brukt astmamedisinen terbutalin, som ho har fått godkjenning for.

Ho har sjølv tidlegare opplyst at ho i 2010 fekk slått fast at ho hadde utvikla astma.

– Det å ha astma innan symjing er nærmare regelen enn unntaket, sa ho då til magasinet Astmanaut.

Derfor testa ho positivt på stoffet under Rio-OL. Men ho hadde altså offisielt lov til å bruke det.

WADA stadfesta i natt den nye lekkasjen med dei medisinske opplysningane. Med lekkasjane tysdag er no medisinske opplysningar om 29 utøvarar offentleggjort.

25 nye utøvarar i natt

Alle dei utleverte er utøvarar som brukar stoff som i utgangspunktet er ulovlege, men som har lov til å bruke stoffa av medisinske grunnar – såkalla TUE-sertifikat. Ingenting i avsløringane tyder på at dei omtalte utøvarane har gjort noko ulovleg.

Gruppa har funne opplysningane på den såkalla Adams-lista til antidopingbyrået WADA.

Dei 25 som er offentleggjorde denne gongen, er 10 amerikanarar, fem tyskarar, fem britar, og ein frå kvar av landa Tsjekkia, Polen, Danmark, Romania og Russland.

Ber Russland om hjelp

WADA meiner sjølv at innbrotet utan tvil er ein russisk hemn fordi landet er totalt utestengt frå Paralympics. Mange av dei uttekne russarane, blant andre så å seie all friidrettsutøvarane, vart også utestengde frå OL på grunn av omfattande doping.

Russiske styresmakter seier at dataangrepa ikkje kjem frå nokon del av det offisielle Russland.

– Vi har bedt russiske styresmakter om å gjere det dei kan for å stanse dataangrepa, seier WADA-direktør Olivier Niggli.

Gruppa Fancy Bears skriv at dei kjem til å halde fram med å offentleggjere medisinske opplysningar om eliteutøvarar som brukar ulovlege stoff.

Siste nytt

  • FCK opna med tap

    Ståle Solbakkens FC København tapte 1-2 for Horsens heime i Parken i den danske serieopninga. Horsens leia 2-0 før Rasmus Falk reduserte fem minutt før slutt.

    Det er Horsens' første bortesiger over FCK i serien, etter 11 tap og ein uavgjort tidlegare.

    Ståle Solbakken
    Foto: Mads Claus Rasmussen / Scanpix Denmark / NTB scanpix
  • Ruud videre etter snuoperasjon

    Casper Ruud fikk en drømmestart på ATP-turneringen Swedish Open. 19-åringen gikk til 2.-runde i Sverige med 6-7, 6-4, 6-0 mot spanske Jaime Munar.

    Munar, som er nr 90 på verdensrankingen, kjempet seg til 7-6 i første sett, men Ruud – nr 147 – slo kraftig tilbake.

    Casper Ruud
    Foto: CHRISTOPHE ARCHAMBAULT / AFP
  • Odd-venstreback klar for Brann

    Odds venstreback, Thomas Grøgaard, har skrevet under for serieleder Brann. 24-åringen slutter seg til bergenserne fra januar 2019.

    Det bekrefter Brann på sine nettsider.

    Grøgaard gjennomførte den medisinske testen mandag, og har signert en toårskontrakt med Brann.

    Thomas Grøgaard
    Foto: Håkon Mosvold Larsen / NTB scanpix

Sendeplan

Kl. Program Kanal