NRK Meny
Normal

Nemnt som mogleg ny AaFK-trenar, no flyttar han heim til Molde

Dagen etter at Kjetil Rekdal får sparken i Aalesunds Fotballklubb, fortel Åge Hareide at han flyttar frå Sverige – heim til Molde.

Åge Hareide

Åge Hareide var på ein halvårs-kontrakt med svenske Helsingborg. No er opphaldet i Sverige over, og Åge Hareide flyttar heim til Molde.

Foto: Odd Rune Kyllingstad / NRK

Sakene er eigentleg urelaterte, men kan passe som hand i hanske.

Hareide har allereie blitt lansert som ein mogleg AaFK-trenar. Når han no flyttar heim til Noreg og Molde gjer ikkje han seg sjølv mindre aktuell.

Åge Hareide

Åge Hareide var trenar og manager i Viking frå 2010 til sommaren 2012. I tillegg har han trenar landslaget, Molde og Rosenborg i Noreg.

Foto: Grøtt, Vegard / NTB scanpix

Éin i rekkja

Etter at Hareide i sommar måtte sjå seg ferdig som Viking-trenar, fekk han tilbod frå Sverige.

Gamleklubben Helsingborg ringte, der Hareide blei tilsett på ei halvårskontrakt. Han leia klubben til ein sjetteplass i Allsvenskan.

Kontrakten med Helsingborg går ut 6. desember, med kun ein bortekamp mot Twente i Europaligaen som gjenståande.

Deretter flyttar Hareide heim til Molde, og føyer seg inn i ei lang rekkje av arbeidslause norske trenarar.

Kjetil Rekdal

Kjetil Rekdal fekk måndag kveld sparken i AaFK. Han har blitt nemnt som ein mogleg ny VIF-trenar i lang tid.

Foto: Karlsen, Anette / NTB scanpix

– Fått det med meg

I eit intervju med Nettavisen seier 59-åringen frå Hareid at han ikkje er ferdig med fotballen.

I augneblinken er Aalesund éin av klubbane utan hovudtrenar. Vålerenga er ein annan.

Etter at Kjetil Rekdal blei sparka i AaFK, fekk rådgjevar for Rekdal, Trond Mathisen, spørsmål om dei hadde vore i dialog med Vålerenga.

– Det har eg ingen kommentar til, svarte rådgjevaren.

Rekdal har uansett blitt nemnt hyppig sidan Martin Andresen blei sparka i Oslo-klubben. Dei ledige stillingane har Hareide òg fått med seg.

– Eg har fått det med meg, men eg har ikkje tenkt noko over det. Begge klubbane er gode klubbar, men dei finst det mange av, seier Hareide.

Henrik Hoff Kjell Tennfjord

Klubbdirektør i AaFK Henrik Hoff (t.v.) og styreleiar Kjell Tennfjord er på jakt etter ny trenar. Her frå pressekonferansen etter sparkinga av Kjetil Rekdal.

Foto: Svein Ove Ekornesvåg / NTB scanpix

(NRK/NTB)

Fotballnyheter

Videoklipp

Se alle målene her.
Se alle målene her.
Se alle målene fra kampen mellom Manchester United og Basel.