Hopp til innhold

Desse er mestscorande i eliteserien - men kven er dei?

OSLO (NRK.no): Vi reiste ut med bilde av dei fire som har putta flest mål i Eliteserien. Namna deira var det ikkje spesielt mange som visste.

Toppscorerne i eliteserien

Desse fire er ikkje allemannseige, verken blant dei fleste fotballinteresserte eller mannen i gata. Dei fire, i tillegg til Frode Johnsen, har scora flest mål i Eliteserien så langt. Frå venstre: Abderrazak Hamdallah (Aalesund, 10 mål), Malick Mane (Sogndal, åtte mål), Christian Gytkjær (Haugesund, åtte mål) og Leke James (Aalesund, åtte mål).

Foto: NTB Scanpix

Strand

Roar Strand har blitt seriemeister 16 gonger, noko som er rekord i Europa. Her frå 1996 på Ullevaal i RBK-drakt mot Vålerenga.

Foto: Poppe, Cornelius / NTB scanpix

Sjølv ikkje Roar Strand hadde full oversikt.

– Heilt ærleg så skjøna eg ikkje kven du meinte med ein gong, men sidan du sa laurdag mot Rosenborg forstod eg kven du meinte, flirer Roar Strand til NRK over telefon.

Tema er målscorarar i Eliteserien, og mannen med flest seriekampar (439 kampar, 86 mål) var litt usikker på kven toppscorar Abderrazak Hamdallah var.

Toppoppgjer på Lerkendal

Namnet ringde inga bjølle, kunne Rosenborg-legenda kunngjere.

– Men eg har sett at han er giftig og målfarleg, følgjer Strand opp med om spissen som skal møte Rosenborg på Lerkendal klokka 18.00 i dag.

Hamdallah, eller Hamed-Allah som han har omdøypt seg sjølv til på fotballbanen, er ikkje åleine om å vere litt anonym i Noreg.

Hamdallah (10 mål), Malick Mane (åtte mål), Christian Gytkjær (åtte mål), Leke James (åtte mål), og sjølv ikkje Frode Johnsen (åtte mål), er det ein kan kalle rikskjendisar i Noreg.

Saka held fram under videoen.

Fem toppscorarar, ikkje alle så veldig kjende for folk flest. Heller ikkje fem langt over gjennomsnittet fotballinteresserte 13- og 14-åringar visste kven Abderrazak Hamdallah, Leke James, Frode Johnsen, Christian Gytkjær og Malick Mane var.

Anders Saxhaug, Jonathan McNicol, Matteus Beldo, Thomas Otnes og Slørdal er godt over gjennomsnittet interessert i fotball, og spelar til dagleg på Frigg sitt G13-lag. Toppscorarane i Eliteserien, litt meir vanleg kledd enn i kamp, var det derimot ikkje lett å gjette kven var. Robin van Persie derimot ...

King og James

Leke James (t.h.) og Joshua King slått saman kunne nok blitt eit absurd stort angrepstalent. Begge to er født i 1992 og gjer det heller godt som fotballspelarar.

Foto: Erlend Aas/Svein Ove Ekornesvåg/montasje / NTB Scanpix/NRK
Frode Johnsen

Well, actually captain, I'm with the British secret service. The name is Johnsen. Frode Johnsen.

Foto: Teigen, Trond Reidar / NTB scanpix

– Er det Joshua King?

Frigg sine 13- og 14-åringar er i hardtrening på Friggfeltet i Oslo, fem karar får løyve frå trenaren til å bli med på ei uhøgtideleg spørjeundersøking. Kjeglene må vente i 10 minutt.

Vi har med bilde av dei fem som har scora flest mål i Eliteserien, pluss eit bonusbilde av fjorårets Premier League-toppscorar Robin van Persie.

Først ut: Hamdallah.

– Veit de kven dette er?

– Nei, følgt av «er han norsk?», er responsen.

Mane er ukjend, medan Gytkjær blir gjetta til å vere Kristofer Hæstad. James har dei derimot sett før.

«Eg har det på tunga!», «Er det Joshua King?» og «Han er nederlendar», blir responsen.

Og så, rutinerte Frode Johnsen – einaste nordmann blant dei fem som har scora flest.

– Eg har sett han før, seier éin av gutane.

– Han kjenner de litt betre?

– Ja, kjem det, avbrote av:

– Eg trur det er ein skodespelar. Eller, nei?

Manchester United-spelar Robin van Persie har derimot inga Hollywood-karriere framfor seg, slik gutane ser det. Han er og blir spiss i Premier League.

Huseklepp, Tarik og Kamara

Når dei fem blir avslørte som dei mestscorande i Eliteserien, blir Frigg-gutane lett overraska. Dei har høyrt om Leke James.

– Kjenner de til andre spissar i Eliteserien?

– Ikkje så veldig mange. Erik Huseklepp? Tarik? Ola Kamara, kjem det frå gutegjengen på fem.

Tarik Elyounoussi har flytta seg til utlandet igjen, til Hoffenheim. Felles for dei tre er at alle har vore i utlandet, Huseklepp i Bari og Kamara i austerrikske SV Ried.

– Vi er ikkje interesserte i norsk fotball. Dei skyt ballen for mykje opp i lufta. Eg likar engelsk og spansk fotball best, fortel Matteus Beldo.

– Eg skulle helst sett litt fleire norske spissar rundtom i verda, litt fleire i dei store ligaene i utlandet, seier Beldo vidare, og kompisane nikkar.

Saka held fram under bildet.

Ola Kamara

Den heimvendte son, Ola Kamara, har imponert over fem kampar for Strømsgodset. Med sju mål på fem kampar etter returen frå austerrikske SV Ried, er Kamara truandes til å snappe til seg toppscorartittelen på ein halv sesong.

Foto: Varfjell, Fredrik / NTB scanpix
Nils Arne Eggen

Tidlegare Rosenborg-trenar Nils Arne Eggen er ikkje vidare imponert over talet på scoringar.

Foto: SAKIS MITROLIDIS / Afp

Eggen: – Det blir scora for lite

Blant dei NRK spurte på gate og fotballbane i Oslo hadde nokre kontroll på kven Frode Johnsen var.

Dei fire andre var det svært få som visste kven var. Utanom Huseklepp, Kamara og Elyounoussi, blei mellom andre Morten Berre, Torgeir Børven (meir om han seinare i saka) og Thorstein Helstad nemnde som målscorande spissar i Eliteserien.

Helstad har blitt toppscorar tre gonger, medan målkongane Sigurd Rushfeldt og Harald Martin Brattbakk har blitt toppscorar høvesvis to og fem gonger – alle for Rosenborg i glanstida.

Brattbakk scora 28 mål på éin sesong på det meste, medan Rushfeldt scora 27 på det meste.

– Då Rosenborg var på sitt beste og i Europa, så var det mange som scora. Men nokre scora mykje, Harald, Sigurd og fleire. Det er viktig med mål, men det er òg viktig med mange som scorar, seier Nils Arne Eggen.

Han meiner det ikkje er viktig med éin suveren toppscorar.

– Først og fremst blir det scora for lite, men eg saknar ikkje éin superspiss, slår Eggen fast i prat med NRK.

Nokre har peiling – og ein kamerat som visst nok burde scora flest

På treningsfeltet til Frigg

F.v.: Karl Felix Bendiksen Krafft, Ole Petter Bømark og Morten Nergård Høgblad meiner ein 21-åring frå Skien burde toppe statistikken.

Foto: Hans-Olav Rise / NRK
Torgeir Børven

NRK gjekk seg på denne mannen, halvvegs inne i ein triksekonkurranse, på éi av Oslo sine fotballbaner. At denne 21-åringen var Vålerenga-spiss såg ikkje journalisten før etter at intervju om toppscorarane i Noreg var etterspurt. Kva hadde vel livet vore utan ironi?

Foto: Hans-Olav Rise / NRK

Medan mange sleit med å kjenne igjen dei fem mestscorande, hadde Karl Felix Bendiksen Krafft, Ole Petter Bømark og Morten Nergård Høgblad relativt grei kontroll.

«Spissen i Aalesund, Hamdallah», «Leke James, trur eg?», «Frode Johnsen», «Eg trur det er han som gjekk frå Sandefjord til Sogndal. Mame? Malick Mane!» kom kjapt. Christian Gytkjær såg ut som ein engelsk keeper, men dei tre visste godt kven det var når dei fekk namnet servert.

– Det er mange om beinet i år i kampen om toppscorartittelen. Det er ikkje så mange som utmerkjer seg, konkluderer Bendiksen Krafft.

Alle tre er frå Skien, og med seg på treningsfeltet hadde dei visst Torgeir Børven – betre kjent som tidlegare Odd Grenland-spelar og noverande Vålerenga-spelar.

– Jaaai, der er ein annan som burde vore på topp, kanskje. Frode Johnsen er bra, men han har vel åtte mål? Det er ikkje stort for å vere ein av dei mestscorande i Eliteserien. Det seier vel litt om nivået, gliser Bømark og kikar på Børven.

– Spissane scorar for få mål, enkelt og greitt, konkluderer Nergård Høgblad, før alle tre bryt ut i latter.

Vålerenga-spiss Børven står så langt med seks mål, og heldt seg litt i bakgrunnen under denne rolege treningsøkta. Per no er han den som har scora nest flest i VIF, slått av superveteran Morten Berre med sju fulltreffarar.

Trur for defensiv tankegang er eit problem

Saka opna med Roar Strand, og saka får avslutte med Roar Strand. Mannen som hadde kallenamnet «Supermann» og scora i 21 sesongar på rad, trur mange klubbar i Eliteserien tenkjer for defensivt.

Harald Martin Brattbakk

Denne mannen, Harald Martin Brattbakk, har blitt toppscorar i Eliteserien fem gonger. Til saman har han scora 166 mål i serien, berre slått av Rushfeldt med 172.

Foto: Nyhetsspiller

– Eg veit ikkje om det er auka fokus på det defensive, eller for mykje defensiv jobbing på angriparane som gjer det. Det er nok ein samanheng, trur den no 43 år gamle mannen.

Han slår fast at han følgjer Rosenborg tettast, ikkje overraskande, og ser at mange av angriparane bruker for mykje krefter defensivt.

– Ein spiss må ha overskot når han er framfor mål. Sigurd (Rushfeldt) og Harald (Martin Brattbakk) var for eksempel veldig gode i 16-meteren. Sigurd kriga inn mål, og Harald dukka opp og sette ballen i hjørnet heile tida.

– Vi treng fleire spissar som er hissigare på å score fleire mål, sa Brattbakk til NRK 31. juli.

– Manglar Eliteserien ein eller fleire spissprofilar, Roar Strand?

– Ja.

Kva seier du: Manglar Eliteserien spissprofilar? Og blir det scora for få mål? Sei meininga di i kommentarfeltet nedst.

Hamdallah

Abderrazak Hamdallah er på veg mot å bli toppscorar, men med det noverande snittet blir det ikkje meir enn 15 scoringar i løpet av Eliteserien som består av 30 kampar. Ole Kamara kan nå 19, kanskje 20, scoringar om han held opp snittet sitt etter Noreg-returen.

Foto: Svein Ove Ekornesvåg / NTB scanpix
Pressekonferanse etter første kvartfinale i Serieligaen

Fotball

Oppsummert

  • Etter kampen: Pressekonferanse med Bodø/Glimt og Roma-manager José Mourinho.
  • Skotsk fotball setter begrensninger for hodestøt

    Profesjonelle fotballspillere i Skottland har fått et forbud mot å heade ballen på trening dagen før og dagen etter kamp. I tillegg har klubber fått beskjed om å begrense øvelser i øktene som involverer hodestøt. Det skriver BBC.

    De nye retningslinjene kommer etter at Glasgow universitet publiserte sin undersøkelse som viste at tidligere fotballspillere har en tre og en halv større sjanse for å dø av hjernesykdom. Ekspertene mener det har en sammenheng med heading.

    Champions League - Group F - Real Madrid v Celtic
    Foto: SUSANA VERA / Reuters
  • Uruguay snublet etter flere stolpetreff

    Uruguay klarte ikke å senke Heung-min Sons Sør-Korea, men de var ekstremt nære i et målløst oppgjør.

    For i andre omgang stanget Diego Godin en godt slått ball mot mål, men ballen traff stolpen i stedet.

    Det var ikke eneste stolptreff i kampen. For på tampen banket Real Madrid-stjerne Federico Valverde til, men også den traff metallet.

    Liverpool-profil Darwin Núñez var også nære på ved et par anledninger.

    Dermed deler lagene poengene i deres åpningskamp i VM.

    Resultatet kan være god hjelp for Cristiano Ronaldos Portugal, som møter Ghana i gruppe H torsdag.

    Dette er fjerde kamp i VM som ender 0-0. Til sammenligning endte kun én kamp 0-0 i VM i Russland i 2018.

    FIFA World Cup Qatar 2022 - Group H - Uruguay v South Korea
  • Haavi involvert i scoring da Roma spilte uavgjort i CL

    Emilie Haavi gjorde forarbeid til ledermålet da Roma spilte 1-1 mot Wolfsburg i onsdagens toppkamp i gruppe B i kvinnenes mesterliga i fotball.

    Haavi leverte også et godt innlegg til innbytter Sophie Román Haug, som hadde muligheten til å nikke inn vinnermålet i det 85. minutt, men hennes hodestøt ble blokkert av en motspiller.

    Roma tok ledelsen før det var spilt tre minutter. Haavi ble spilt fram på venstrekanten, utfordret og prøvde skuddfoten fra 18 meters hold. Ballen traff midtstopper Kathrin-Julia Hendrich og spratt ut til Valentina Giacinti, som skjøt i mål ved stolpen.

    Ledelsen varte i en halv time. Da vant Ewa Pajor en duell med Roma-stopper Elena Linari og scoret utligningsmålet for den tyske klubben.

    Haug ble byttet inn for brasilianske Andressa Alves i det 72. minutt og var involvert i flere situasjoner mot slutten av kampen, men begge lag måtte finne seg i å avgi sine første poeng i gruppespillet.

    Wolfsburg og Roma har begge sju poeng før de møtes igjen i Tyskland om to uker.

    Emilie Haavi
    Foto: Jose Breton / AP
  • Tredje strake seier for Chelsea i kvinnenes mesterliga

    Guro Reiten og lagvenninnene i Chelsea kunne juble for sin tredje strake seier i kvinnenes mesterliga da Real Madrid ble slått 2-0 onsdag.

    Den spanske klubben tettet godt igjen mot et Chelsea-lag som måtte greie seg uten sin nyopererte danske stjernespiss Pernille Harder, men Sophie Ingle stanget inn ledermålet i det 67. etter hjørnespark fra Erin Cuthbert.

    Cuthbert doblet deretter ledelsen med et spektakulært mål som ganske sikkert var ment som et innlegg. Hun var ganske nær hjørneflagget da hun slo inn, og ballen seilte inn i mål fra svært spiss vinkel.

    Det var en skummel situasjon da Reiten på overtid i første omgang falt forkjært etter en duell ute ved høyre sidelinje. Hun ble liggende med tilsynelatende store smerter, men kunne etter å ha fått behandling spille videre. Hun ble byttet ut først i det 83. minutt, da det sto 2-0.

    Ledermålet kom på et fint dødballtrekk. Millie Bright vant i lufta ved nærmeste hjørne av 5-meteren og stusset ballen videre. Inne i målgården kunne Ingle bare sette hodet på den.

    Chelsea står med ni poeng og 11-0 etter halvspilt gruppespill og er på god vei mot kvartfinale. Paris Saint-Germain og Real Madrid er begge fem poeng bak. PSG slo poengløse Vllaznia 5-0 tidligere onsdag.

    Guro Reiten i duell for Chelsea
    Foto: John Walton / AP
  • Kroatia sløste med sjansene – snublet mot Marokko

    Forrige VMs sensasjon Kroatia fikk ikke pangstarten på årets mesterskap de håpet på. Marokko var gjerrige, og ingen av lagene klarte å få hull på byllen. Dermed endte det 0-0.

    Det var imidlertid kroatene som var nærmest, og spesielt Vlasic hadde en gigantisk mulighet fra kloss hold som ble reddet av keeper Yassine Bounou.

    Kroatia blir regnet som favoritt til å ta seg videre fra gruppe F sammen med Belgia, men Marokko viste at de ikke skal tas lett på.

    Onsdag kveld møtes de to andre lagene i gruppen, Belgia og Canada.

    FIFA World Cup Qatar 2022 - Group F - Morocco v Croatia
FIFA World Cup Qatar 2022 - Group H - Uruguay v South Korea
FIFA World Cup Qatar 2022 - Group F - Morocco v Croatia
Britain Soccer Champions League