Swansea hadde til Agüeros innhopp bare slept inn ei scoring, og frustrerte City-angriparar måtte rive seg i håret ved fleire anledningar.
Men på bortebane i Manchester fekk Swansea verkeleg kjenne på kva verdas rikaste lag har i ermet.
Drøymedebut for argentinsk helt
Ti minutt ut i andre omgang small det:
***1-0 - 57 minutt: Adam Johnson fyrer av. Ballen returnerer og Edin Dzeko kan enkelt setje inn dagens første for Manchester City.
Og det var bare starten på Swansea-kollapsen.
– Han vil heilt sikkert skilje seg ut i City. Forsvararane i Premier League vil få vanskar med å møte han, sa Messi.
Argentinaren måtte likevel starte kampen på benken, men var kjapp med å vise kor ekstremt viktig han kan bli for Manchester City då han entra banen etter timen spelt.
***2-0 - 68 minutt: Debutant Sergio Agüero kjem skliande inn og møter eit innlegg på bakre stolpe. Drøymedebut for argentinaren.
***3-0 - 71 minutt: Agüero assisterer. Prøver å avslutte, men kjem for skrått på mål. Ballen hamnar i returrommet og David Silva kan prikke inn dagens tredje til ellevill jubel for City-supportarane.
***4-0 - 91 minutt: Agüero sjokkerer igjen. Argentinaren prikkar inn 4-0 med eit langskot i det lengste hjørnet frå 20 meters hald.
Mancini: – Han er som Romario
Det var ikkje bare heimefansen som hylla den argentinske juvelen etter praktoppvisninga. Også manager Roberto Mancini var kjapp med å fortelje kva han synst om debutanten.
– Han er fantastisk. Eg har sett ein spelar som han før. Agüero er ein fotokopi av Romario, sa Mancini og viste til Brasils store måljeger frå 90-talet.
Men den tidlegare Atletico Madrid-spelaren er ikkje heilt kampklar, meiner Mancini.
– Han treng meir tid i lag med dei andre spelarane, hevda manageren.