Fekk dårleg samvit av stikket til lagkameratane: – Ekkelt å vere den som trenar minst

Landslagsvrakede Finn-Hågen Krogh (30) meiner uskuldige hint om for lite trening kan ha fått han til å trene øydeleggjande mykje. Tidlegare landslagssjef Vidar Løfshus skjønner kva Krogh siktar til.

Finn-Hågen Krogh

IKKJE SOM DE ANDRE: Finn-Hågen Krogh trenar vesentleg mindre enn det som er normalt for norske elitelandslagsløparar i langrenn.

Foto: Ole Martin Wold / NTB

– Eg tykkjer nesten alltid det har vore litt ekkelt å vere den som har trena minst, for ein får høyre det frå alle kantar, eigentleg. Stikk frå lagkameratar, som ikkje er vondt meinte. Men når ein heile tida får eit stikk frå media og folk som følgjer med, så gjer det noko med deg, seier Finn-Hågen Krogh i NRK-podkasten Sporten.

– Og i år har det kanskje bikka litt over, og det kan vere litt på grunn av det presset ein kjenner på, erkjenner han.

Trenar soleklart minst

Finn-Hågen Krogh er ein vaskeekte norsk langrennshelt. I 2015 gjorde han grovjobben då Petter Northug sikra norsk VM-gull i lagsprint på svensk jord i Falun.

To år seinare var han ankermann for Noreg i stafetten under VM i Lahti, då han på uforgløymeleg vis heldt unna for den russiske ankermannen Sergej Ustjugov.

hcmzTYjZiZI

SPESIELL ELEV: Landslagstrenar Vidar Løfshus beskriv Finn-Hågen Krogh som ein kunstnartype. Her leverer Krogh eit kunstverk av ein ankeretappe under VM-stafetten i Lahti.

Foto: Terje Pedersen / NTB

Men nyleg mista 30-åring frå Tverrelvdalen i Alta plassen på elitelandslaget etter åtte år. Det skjedde etter ein skuffande sesong. Trass i 28 pallplassar og åtte sigrar i verdscupen, har Krogh hatt nokre dårlege sesongar innimellom.

Det forklarer han med at han rett og slett ikkje toler like mykje trening som mange andre. Derfor har det enkelte gonger bikka over.

– Det er ein veldig liten nyanse på om eg trenar for mykje eller om eg trenar passeleg. Eg ligg stort sett på 700 til 750 timar i året, og det er ganske soleklart minst på landslaget. Det er det eg har trena sjølv i dei åra eg har vore heilt på topp og gått mine beste skirenn, forklarer han.

– Får dårleg samvit

Så har det altså til tider vore vanskeleg å akseptere at det riktige for han er å trene såpass lite, når mange av lagkameratane trenar meir.

HXo

SATSAR VIDARE: Sjølv om han ikkje fekk plass på landslaget, håpar Finn-Hågen Krogh på å få sjansen til å juble under OL i Beijing neste vinter.

Foto: Terje Pedersen / Terje Pedersen

– Andre kan trene 800 eller 1000 timar, det har ikkje noko å seie, dei er like pigge uansett. Men viss eg aukar berre med nokre få timar i året, så bikkar det over. Det er litt den kjensla eg har sete med i år, seier han.

Derfor har Finn-Hågen Krogh av og til lege på sofaen medan lagkameratane har vore ute og trena. Då har det òg komme nokre kommentarar.

– Då får ein dårleg samvit, sjølv om det ikkje er vondt meint frå nokon si side. Og då kan det vere at eg ligg og grublar litt på det. Og kanskje neste dag eller neste samling, så blir eg med på den økta likevel, sjølv om det berre gjer meg til ein dårlegare utøvar. Det er litt vanskeleg å balansere, erkjenner han.

Den sindige finnmarkingen Finn Hågen Krogh blir så forbanna når han gjør det dårlig i langrennssporet at han finner på de sprøeste ting. Han er lei av kommentarer om at han trener lite og etter vrakingen fra landslaget vil han slå hardt tilbake og sikre seg en OL-billett.

Den sindige finnmarkingen Finn Hågen Krogh blir så forbanna når han gjør det dårlig i langrennssporet at han finner på de sprøeste ting. Han er lei av kommentarer om at han trener lite og etter vrakingen fra landslaget vil han slå hardt tilbake og sikre seg en OL-billett.

Overraska lagkamerat

Før sa Krogh at han berre smilte av dette. No innrømmer han altså at han har late seg prege av dei uskuldige noteringane.

– Det har nesten berre vorte verre når ein blir eldre. Når ein er ung, har ein sjeldan dårleg samvit. Medan når ein blir eldre, så tenkjer ein jo litt større på ting, at ein slit litt med samvit viss ein føler ein gjer lite i forhold til andre, seier Krogh i podkasten.

Pål Golberg, som har vore lagkamerat med Krogh i mange år, er litt overraska over det som kjem fram i podkasten.

– Det kom litt bardust på, for det er aldri noko han har teke opp internt på laget. Eg har alltid følt at Finn-Hågen har hatt ein sterk filosofi som han har trudd på, og ikkje blitt påverka så mykje av andre, seier Goberg til NRK.

j7f4MS60UZ8

GUTANE PÅ TUR: Pål Golberg (t.v.) og Finn-Hågen Krogh på høgdesamling i Val Senales.

Foto: Cornelius Poppe / NTB

Han ser ikkje bort frå at det har vore kommentert at Krogh har trena mindre enn resten, sjølv om han ikkje hugsar konkrete episodar. Og han forstår at det kan ha blitt meir grubling dei siste åra.

– Det er gjerne sånn når ein blir meir og meir vaksen, så tenkjer ein meir. Så lenge han var i dytten, var det ein styrke å trene litt mindre litt andre. Når det ikkje går så bra som ein håpar, har det kanskje heller vorte ei belastning, seier Golberg

– Det var éin veg til suksess

Finn-Hågen Krogh skuldar altså ingen lagkameratar for å ha sagt noko upassande, men meiner det i den norske treningsfilosofien tidlegare var for lite fokus på å tilpasse treningsmengda til kvar enkelt utøvar.

– Ein burde nesten ha forska litt på det, for det har vore tradisjon i Noreg at ein skal trene veldig mykje og hardt. Det var éin veg til suksess, og det var å trene mykje, medan ein no har byrja å sjå litt meir på at folk må få trene det dei treng, seier Krogh.

Tidlegare landslagssjef Vidar Løfshus skjønner godt kva Krogh siktar til.

– Alle vi som var rundt han ønskt at Finn-Hågen skulle trene meir. Vi visste kva han gjorde og trudde han kunne bli betre ved å trene meir. Men det passa berre ikkje for han, erkjenner Løfshus, som likevel trur at det generelt trengst mellom 800 og 1000 treningstimar i året for å vere stabil blant dei aller beste i verda i langrenn.

Sportsnyheter

Spansk storspelar med Italia-stikk: – Dei kan slite mot større lag

Italia valsa over Tyrkia i EM-opninga, men Cesc Fabregas såg svakheiter i det italienske laget.

Forvirret? Derfor ble ikke dette straffespark

Både italienerne og mange TV-seere var sikre på at Italia skulle hatt minst ett straffespark mot Tyrkia. Men før EM fikk dommerne nye retningslinjer.

Siste nytt

  • Ny rival for Warholm

    Nivået på 400 meter hekk har takket være Karsten Warholm, Rai Benjamin og Abderrahman Samba hatt en voldsom heving de siste årene. Nå er en ny rival på vei.

    Sean Burrel (19) satte nemlig ny juniorverdensrekord på distansen med 47,85 i studenmesterskapen i Eugene, Oregon natt til lørdag. Det melder Det internasjonale friidrettsforbundet (WA). Den gamle rekorden på 48,02 hadde tilhørt Danny Harris siden 1984.

    Burrel er den fjerde i verden som løper under 48 blank på distansen så langt i OL-sesongen. Blant dem er ikke Karsten Warholm, som ikke har løpt distansen ennå. Han har til gjengjeld åpnet sesongen med ny verdensrekord på 300 meter hekk.

  • Hjelp fra oven

    Det engelske laget fikk hjelp fra uventet hold før sin åpningskamp i EM mot Kroatia søndag. Mens laget trente lørdag, kom nemlig et fly over treningsanlegget. Bak flyet hang et banner.

    Der kunne de engelske spilellerne lese følgende budskap: «De fleste Kroatia-målene kommer fra venstre».

    Ifølge Twitter-kontoen The Athletic UK kom ni av Kroatias 17 scoringer i EM-kvalifiseringen etter angrep på venstresiden.

    Er0XPWVaW2A
    Foto: CARL RECINE / Reuters
  • Svensk skadetrøbbel

    Sveriges brokete oppladning til fotball-EM fortsetter. Skadeplager gjør Albin Ekdal (bildet) og Jens Cajuste til usikre kort to dager før åpningskampen mot Spania, melder NTB.

    Ekdal deltok ikke på hele lørdagens trening på grunn av en smell han pådro seg før helgen, mens Cajuste gikk av feltet med smerter i venstrefoten.

    Treningsøkta var den siste før avreisen fra Göteborg til Sevilla. Mandag innleder Sverige gruppespillet i EM mot Spania.

    Den siste uken har ikke vært ideell for svenskene. Tirsdag ble det kjent at landslagsspillerne Dejan Kulusevski og Mattias Svanberg hadde testet positivt for koronaviruset.

    rBd1dyvBpKw
    Foto: JONATHAN NACKSTRAND / AFP

Sendeplan

Kl. Program Kanal