Ekspertane hyllar enorm Hegerberg – klart for «norsk» finale

– Det er berre rein kvalitet, det er det verkeleg. Timinga i lufta, kunnskapen ... Ho veit akkurat kva ho skal gjere, sa Dazn-kommentator Scott Booth entusiastisk då Ada Hegerberg starta ballet med ei praktfull heading etter eit snautt kvarter spelt.

Frå før hadde Olympique Lyonnais ei 3-2-leiing frå første semifinaleoppgjer, og den tidlege scoringa til Hegerberg gjorde det ekstra vanskeleg for heimelaget.

– Det er eit absolutt praktfullt mål. Tidenes toppscorar gjer det igjen, sa kommentatorkollega Vicki Sparks.

Det skulle likevel ikkje stoppe der.

Hegerberg var ein av kampens gigantar, skal vi tru ekspertane.

– Dynamitt

I andre omgang jobba PSG seg tilbake i kampen, men sleit med å finne vegen til nettmaskene.

I staden var det Hegerberg som stanga inn dagens andre scoring, men millimeter stoppa bortelaget i å gå opp i ei tomålsleiing.

Melvine Malard, som gav den målgivande pasninga, stod i off side.

Før avgjerda var eit faktum, jubla kommentatorane i vill eufori.

– Ho er dynamitt i denne turneringa, sa Sparks om Hegerberg.

Kollega Booth poengterte ved fleire anledningar at den store forskjellen mellom laga var kor gode spelarane var føre mål.

– Lyon er kliniske, og Hegerberg er nok ein gong i riktig posisjon. Det er ein enkel avslutning, og den off sidan er verkeleg liten, sa han.

I staden tok PSG varselteiknet og skaffa seg ei utlikning.

Kadidiatou Diani slo ballen inn framfor mål, og Marie Katoto fekk spelt ballen vidare før avslutninga kom. Keeper Christiane Endler før Katoto endeleg fekk dunka ballen i nettet.

Sikra sigeren

Sjølv om PSG var nære, var det Hegerberg og midtstoppar Wendie Renard som blei tunga på vektskåla.

Snautt ti minuttar før slutt sette Wendie Renard seg på scoringslista. Det målet kom etter eit frispark av Bacha, som Renard heada i mål.

– Dei er to enorme spelarar. Hegerberg, som er mestscorande i turneringa, og Renard, som har flest kampar. Det er den kvaliteten som gjer den store forskjellen, seier Sparks.

Kollega Booth følgjer opp:

– Dei er dei store superstjernene her. Dei har ein slik innverknad på kampen. Renard har vore ein mur, eg trur ho berre har gjort ein feil, seier Booth.

Hjå PSG sat norske Celin Bizet Ildhusøy på benken.

«Norsk» finale

Dermed er det klart for eit gigantoppgjer mellom norske landslagskollegaar.

Tidlegare laurdag vart det nemleg klart at Caroline Graham Hansen og Ingrid Syrstad Engen er klare for Champions League-finale.

Barcelona kom frå ein komfortabel 5–1 siger – i det første oppgjeret mot Wolfsburg, men i returmøtet skulle dei få det langt tøffare.

Wolfsburg skrudde opp fleire hakk frå møtet på Camp Nou, og to minutt etter pause skåra Tabea Wassmuth kveldens første for vertane. Ti minutt seinare dobla Jill Roord for Wolfsburg, som verkeleg byrja å lukte moglegheita for ein finalebillett.

Dei signalgrøne Wolfsburg-spelarane auka trykket og hadde fleire store sjansar på tampen, men opphentinga stoppa etter 2–0. Dermed kunne Barcelona juble for finale.

Finalen blir spela på Juventus stadion den 21. mai.