Trykket rundt Magnus Carlsen har vore enormt dei siste dagane. Fleire hundre fans har møtt opp i Bærum for å ta bilete, få signaturar og stille spørsmål. I tillegg forventar norske og utanlandske journalistar fleire intervju.
Det gjer at fleire lurer på om det eigentleg var ein fordel for Magnus Carlsen å spele VM på heimebane i Bærum.
– Eg trur det er noko i det. På ein måte hjelper det å vere på reise, då er du fullt fokusert på deg sjølv. Når du spelar på heimebane er det mykje stress og press på å framstå på ein god måte, seier Daniel Rensch.
SØLV OG GULL: Magnus Carlsen og Wesley So under premieutdelinga etter VM i fischersjakk.
Foto: Berit Roald / NTB scanpix– Finn ikkje rytmen
Carlsen fekk sjølv spørsmål om korleis det var å spele VM på heimebane, men var lite snakksalig etter VM-nederlaget. Han brukte ein del tid på å signere autografar og ta bilete med dei oppmøtte før han hasta seg ut frå VM-arenaen.
– Det høyrest rart ut at han er ukomfortabel, men det er noko i det. Du finn ikkje heilt rytmen i det. Familien din er der, kjærasten din er der, og det er ein del ting å ta omsyn til. Det er interessant, og eg er ikkje overraska om det har hatt noko med det å gjere, seier Rensch til NRK.
Hans medkommentator på dei internasjonale VM-sendingane, Yasser Seirawan, er delvis usamd.
– Det er alltid positivt å spele på heimebane, seier Seirawan, før han legg til:
– Men ein ting veit eg heilt sikkert. Under Carlsens første VM-kamp ville alle dei indiske reporterane snakke med Vishy Anand. Magnus snakka ikkje språket, og måtte ikkje gjere like mange intervju. Han fekk pause, og slappa av, seier Seirawan.
HYLLER SO: Yasser Seirawan er svært imponert over kor godt So har spelt under VM i fischersjakk.
Foto: JØRUND WESSEL CARLSEN / NRK– Med det i bakhovudet, veit eg at Vishy heller ville ha spelt i Oslo. Eg veit at dette har vore ein bra stad for han, men det er òg ein del ulemper, seier han.
Hyllet Wesley So
Carlsen har tidlegare vore klar på at han ikkje ønsker å spele eit VM i vanleg sjakk på heimebane. Presset er stort på heimebane, og nordmannen vil helst spele VM ein eller annan stad i verda, og tidlegare i år trekte Stavanger sønkaden om VM i 2020, etter press frå Magnus Carlsen.
Ved sida av heimebanefordelen er sjakkekspertane klare på ein ting.
– Wesley har spelt sin aller beste sjakk. Han har ikkje gjort feil. Samtidig har ikkje Magnus spelt bra. Han har vore frustrert og ikkje følt seg bra, seier Seirawan.
