Dommarsjefen kritiserer eigne dommarar i VM: – Eg er overraska

VAR har kanskje gjort fotballen meir rettferdig, men dommarsjefen i FIFA er langt frå nøgd med alt.

SOCCER-WORLDCUP/REFEREES

KRITISERER DOMMARANE: Pierluigi Collina kritiserer enkelte dommarar i VM for å ikkje ha sett seg godt nok inn i VAR før meisterskapen starta.

Foto: TATYANA MAKEYEVA / Reuters

– Til dømes hadde vi ein episode der ein spelar spurde om kvifor det ikkje vart gitt straffe. Ballen trefte først hovudet og deretter handa til spelaren. Dommaren svarte «Eg veit ikkje». Eg kan ikkje tru at det er mogleg, seier Pierluigi Collina.

Han siktar sannsynlegvis til ein straffesituasjon i oppgjeret mellom Argentina og Nigeria.

Italienaren Collina vart i si tid kåra til verdas beste dommar seks gonger. No er han dommarsjef i FIFA. På VMs første pausedag nytta han høvet til å vurdere dømminga i meisterskapen så langt.

– Veldig rart

Innføringa av VAR – videoassistert dømming – har gjort at det knytt seg ekstra mykje spenning til dommarsjefen si oppsummering av dømminga så langt i VM.

Pierluigi Collina er nøgd med mykje, men altså ikkje alt.

– Ting har stort sett gått greitt, men eg er overraska over nokre ting. Vi i dommarkomiteen har vore tilgjengelege for spørsmål om korleis VAR skal fungere frå desember og fram til VM starta. Likevel er det dommarar som har tatt kontakt med oss under meisterskapen. Det er veldig rart, meiner Collina.

SOCCER-WORLDCUP-NGA-ARG/

KORREKT: Pierluigi Collina sikta truleg til denne episoden frå oppgjeret mellom Argentina og Nigeria då han kritiserte ein dommar for å ha svart «Eg veit ikkje» når ein spelar lurte på kvifor det ikkje vart gitt straffe. Men å ikkje blåse var heilt korrekt, ifølgje Collina.

Foto: HENRY ROMERO / Reuters

Klar strafferekord

Dommarsjefen seier seg vidare nøgd med at det berre er gitt tre raude kort så langt i VM.

– Det er langt færre enn i andre turneringar vi kan samanlikne med, seier Collina.

Meir diskusjon har det vore rundt alle straffene som er gitt. 24 straffespark er gitt, noko som er soleklar VM-rekord, sjølv om sluttspelet enno ikkje er i gang.

Den gamle rekorden var på 18 straffer i 2002-VM. I Brasil-VM for fire år sidan vart det gitt 13, av dei 10 i gruppespelet.

– Men denne auken har ikkje berre med VAR å gjere. Om vi ser på dei 14 ekstra straffene som er gitt så langt, har berre halvparten kome som følgje av VAR, forklarer Collina.

Og legg til at dei mange straffene i årets VM tyder på at dommarane har fått betre kontroll på kva som skjer i feltet.

PS. Av dei 24 straffesparka har det blitt scora på 18.

Laster Twitter-innhold

Siste nytt

  • Støtter Tvedt

    Norges Svømmeforbund stiller seg bak Tom Tvedt i kampen for å få fortsette som president i Norges Idrettsforbund, melder NTB. Tvedt ble ikke innstilt på gjenvalg av valgkomiteen.

    Åpen time etter idrettsstyremøte i Norges Idrettsforbund.
    Foto: Vidar Ruud / NTB scanpix
  • Forfall fra syk Pedersen

    Isabelle Pedersen er blitt syk og stiller ikke på 100 meter hekk under Trond Mohn Games i Bergen onsdag kveld, bekrefter arrangøren overfor NRK. I løpet av det siste døgnet har dermed tre av stevnets største profiler forsvunnet fra startlistene. Heller ikke Jakob Ingbrigtsen eller Karoline Bjerkeli Grøvdal stiller til start.

    Isabelle Pedersen
    Foto: Vidar Ruud / NTB scanpix
  • Grøvdal utsetter sesongstarten

    Karoline Bjerkeli Grøvdal er fremdeles ikke hundre prosent skadefri, og sier til NRK at hun dropper Trond Mohn Games i Bergen. – Det går fremover med skaden og jeg er i god trening, men løper ikke i Bergen, sier hun. Planen er i utgangspunktet å løpe 5000 meter i Stockholm neste torsdag.

    Karoline Bjerkeli Grøvdal
    Foto: Fredrik Hagen / NTB scanpix

Sendeplan

Kl. Program Kanal