NRK Meny
Normal

Charlton om Mourinho i 2012: – For mykje «besserwisser»

– Mourinho er ein god manager, men det er så langt eg vil gå, sa Manchester United-legenden for fire år sidan. Han var ikkje nøgd med potugisaren sin oppførsel.

Boby Charlton

SKEPTISK: Bobby Charlton er klubblegende i Manchester United og ein av klubbens direktørar. Han har fleire gonger uttrykt skepsis til Jose Mourinho

Foto: OLI SCARFF / Afp

Charltons karakteristikk sikta spesielt til at dåverande Real Madrid-trenar José Mourinho sette fingeren i auget på Barcelonas assistenttrenar Tito Vilanova i 2011 etter tap i den spanske supercupen.

– Ein United-manager hadde ikkje gjort slikt, sa Charlton i eit intervju med The Guardian i desember 2012, og gjekk langt på veg i å fastslå at portugisaren ikkje ville passa i United.

I dag, tre og eit halvt år seinare, er Bobby Charlton framleis ein av direktørane i Manchester United. Og Jose Mourinho er storfavoritt til å bli ny manager i klubben.

I would consider going to Manchester United but United have to consider if they want me to succeed Sir Alex Ferguson. If they do, then of course.

Jose Mourinho 2009

Bobby Charlton overlevde flyulukka i München i 1958 og var krumtappen i laget Matt Busby bygde opp og som vann europacupen ti år seinare.

Legendestatus

Charlton var også sentral på landslaget som vann VM på heimebane i 1966, og har hatt stjernestatus seinare. Sidan 1984 har han hatt direktørtittel i klubben han elskar.

Bobby Charlton har sterke meiningar om kva oppførsel som passar inn i United-kulturen, og har aldri lagt skjul på sin skepsis til Mourinho på det feltet.

– Ville han ha sleppt unna med ei slik handling om han hadde vore manager i Manchester United?

Jose Mourinho
Foto: Carmen Jaspersen / Ap

– Nei. Han er for mykje «betrevitar» etter min smak. Men han er ein god trenar.

I 2012 var Alex Ferguson framleis manager i Manchester United. Han var diplomatisk nok til ikkje å uttale seg negativt om portugisaren.

– Men han likte ikkje Mourinho serleg han heller, sa Charlton.

– Ungdomsfilosofien blir aldri den same

Tre år tidlegare sa han omtrent det same i The Telegraph.

– Han har eit talent. Men om han kjem hit (til United) vil klubbens ungdomsfilosofi aldri bli den same igjen, sa Charlton.

I 2009 var det spekulasjonar om Fergusons avgang. Charlton meinte at Mourinho ikkje ville vere den rette til å vidareføre det Ferguson hadde skapt.

– Han har eit talent, så ikkje misforstå meg når eg seier at eg ikkje vil sjå han her, sa Charlton for sju år sidan.

Tida vil vise kva han seier no dersom Mourinho faktisk blir ny United-manager.

Siste nytt

Sendeplan

Kl. Program Kanal