– Beklagar pappa... men rekordar er der for å bli brotne

For første gong blei det turneringssiger på øvste nivå for ein norsk tennisspelar. Casper Ruud gjorde kort prosess i finalen i steikvarme Buenos Aires. Nå kjem han med eit stikk til sin far.

Casper Ruud

HISTORISK: Casper Ruud blei første nordmann med siger i ei ATP-turnering, og han klatra også til 34.-plass på verdsrankingen

Foto: Gustavo Garello / AP

– Beklagar pappa... men rekordar er der for å bli brotne, skriv Casper Ruud på Twitter.

Den tidlegare tennisproffen er ikkje bitter over at sonen no passerer han som Noregs best rangerte speler gjennom tidene.

Laster Twitter-innhold

– Klart vi har tulla litt med det internt, men det er ikkje noko sånn «haha, no er eg betre enn deg». Eg håper han framleis lèt meg vera sjef over treninga, så kan han vera stolt over at han har vore betre enn meg, seier Christian Ruud til NRK.

I den argentinske hovudstaden var Casper Ruud knusande overlegen sin portugisiske motstandar Pedro Sousa, og vann så klart som 6-1, 6-4.

Sportssjef Øyvind Sørvald i Noregs Tennisforbund jublar over sigeren.

– Har ikkje ord

– Det er heilt fantastisk, eg har ikkje ord. Dette er heilt topp for oss, for Casper og for laget og alle som har venta dette i nokre år. Så har vi fått ein siger, seier Sørvald til NRK.

Han seier at det som har skjedd er veldig stort.

– Ein ting er å gå nokre rundar i ei turnering, men å spele seg fram gjennom fire rundar til finale og vinn den, det er heilt enormt, seier han.

– Dette er ein av dei største idrettane i verda, og når du vinn ei turnering, har du markert deg skikkeleg og blir lagt merke til, seier Sørvald.

– Har rekkevidde som er blant dei beste

Casper Ruud

TOK POKALEN: Casper Ruud kunne løfte trofeet allereiei i si første grus-turnering denne sesongen

Foto: Gustavo Garello / AP

Han meiner Ruuds spel i finalen ikkje var det aller beste.

– Han serva ikkje på sitt beste i dag. Men han har vist godt spel gjennom turneringa og slått gode spelarar. Han har ei rekkevidd som er blant dei aller beste og henta opp dei mest utrulege ballane, seier Sørvald.

– Eg trudde han skulle vinne ei turnering i løpet av året. Men at det skulle skje i den første grusturneringa, hadde eg ikkje trudd.

Casper Ruuds far Christian har vore nervøs, men synest sonen har spela mykje god tennis desse dagane.

– I dag var det kanskje vanskeleg å møte ein som var litt skadd. Det var inga enkel oppgåve, seier ein stolt pappa.

Christian seier det var målet for sesongen å vinne ei turnering.

– Det er mange gode spelarar som har gått gjennom karrieren utan å vinne ein tittel, så det er ekstra stas.

Kampen blei aldri spennande, og var over i løpet av ein time og 10 minutt. Ruud braut Sousas serve allereie i det andre gamet, og hadde full kontroll i første sett. Sousa heldt seg fleire gonger til leggen og hadde tydeleg vondt. Men han gav ikkje opp, han tok heller ikkje den medisinske pausen som han hadde lov til.

Det hjelpte så lite. Sousa – som er rangert hundre plassar bak Ruud på verdsrankingen – makta sjeldan å gi Ruud sterk motstand.

Som i semifinalen laurdag blei kampen avbroten då ein tilskodar kollapsa i den kraftige varmen. Det skjedde då Ruud hadde settball i første sett.

Den ballen omsetta han i settsiger i første forsøk då kampen kom i gang igjen etter fem minutt.

Det same skjedde i semifinalen, då Ruud tok med seg vassflasker til den uheldige tidlkodaren.

Full serve-kontroll

I andre sett braut Ruud motstandarens serve allereie i første game, og såg seg ikkje tilbake. Men Sousa tok eit blankt game då han reduserte til 2-3, og heldt sine siste servegame.

Men det hjelpte ikkje portugisaren så lenge Ruud hadde full kontroll over eigne servegame. Sousa hadde ingen breakball gjennom heile kampen, men yppa seg i det aller siste gamet då han leia 30–15 og hadde seinare 40–40 i Ruuds servegame.

Før nordmannen slo kraftig tilbake og avgjorde settet og kampen.

Casper Ruud hadde langt større problem i semifinalen mot Juan Londero laurdag. Der var han berre eit par ballar frå tap, før han nesten mirakuløst snudde kampen og sikra finaleplassen.

Store namn har vunne Argentina Open før. Både Rafael Nadal og Dominic Thiem er blant dei tidlegare vinnarane.

Norsk rekord også på verdsrankingen

Både Casper og pappa Christian har vore i kvar sin ATP-finale før, men begge har tapt – Casper i Houston i Texas i fjor, Christian i Båstad i 1995.

Det var også i 1995 Christian var oppe på 39.-plass på verdsrankingen, det høgaste ein norsk tennisspelar har nådd. Men etter kveldens siger er Casper oppe på 34.-plass på lista som vart offisiell måndag morgon.

– Det er berre gøy. Det har vore eit mål både for han og meg. Han er berre 21, eg var mykje eldre då eg var på mitt beste. Det blir spennande å sjå resten av sesongen, seier Christian.

Ruud fekk ein drøymestart på grussesongen, hans favorittunderlag. Han skal spele ny grusturnering allereie i neste veke, då i Rio. Det er ei litt større turnering, ATP 500. i Buenos Aires var det ATP 250. Talet inneber kor mange rankingpoeng ein får for siger.

Casper Ruuds første kamp der går tysdag.

– No blir oppgåva å nullstille seg, seier Christian. – Etter sigeren er det nok mange tankar og kjensler dei neste 24 timane, det må han prøve å legge til side før kampstart tysdag.

Sportsnyheter

Slik reagerte Hareide da Eriksen falt om: – Hva f*** skjedde nå?

Alt lå til rette for en hyggelig kveld med dansk EM-fotball på skjermen. Det ble i stedet en av Åge Hareides verste dager.

Siste nytt

  • Hegerberg får dansk spisskollega

    Den danske fotballprofilen Signe Bruun forlater Paris Saint-Germain og blir spisskollega med Ada Hegerberg i Lyon.

    Det melder Lyon på sine nettsider. Bruun har signert en toårskontrakt med sin nye arbeidsgiver. 23-åringen har spilt for PSG siden 2018.

    Lyon har vært den dominerende klubben i europeisk kvinnefotball i en årrekke. Sist sesong ble imidlertid Hegerberg og lagvenninnene vippet ned fra tronen i hjemlandet av nettopp PSG.

    I mesterligaen ble det exit i kvartfinalen, også det mot PSG.

    Signe Bruun spilte tidligere for Fortuna Hjørring i fire sesonger. Hun står med 13 landskamper.

    Sammen med Bruun har også den nederlandske midtbanespilleren Daniëlle van de Donk og den chilenske keeperen Christiane Endler. Van de Donk har signert en toårskontrakt, mens Endler har kontrakt til juni 2024.

    Spain Soccer Women's Champions League
    Foto: Clive Brunskill / AP
  • Italia vil ha EM-finalen i Roma

    Italias statsminister Mario Draghi sier han vil «jobbe for å få finalene til Roma», skriver avisen La Repubblica.

    Årsaken er at smittetallene stiger i Storbritannia og London, der finalen skal spilles på Wembley stadion 11. juli. Smittetallene er svært lave i Italia for tiden.

    Draghi kom med uttalelsen da han stilte til felles pressekonferansen med den tyske forbundskansleren Angela Merkel mandag.

    – Jeg støtter at finalen ikke finner sted i et land der risikoen for smitte åpenbart er stor, sa regjeringssjefen.

  • Barcelona-klare Depay herjet

    Den ferske Barcelona-spilleren Memphis Depay var involvert i samtlige scoringer da Nederland sikret gruppeseieren i EM med 3-0 over Nord-Makedonia. Depay scoret ett, la opp til ett og stod bak skuddet der Georginio Wijnaldum satte inn returen. Wijnaldum stod også bak det siste målet da Depay fant ham i 16-meteren.

Sendeplan

Kl. Program Kanal