NRK Meny
Normal

Bekreftar enorme Paralympics-kutt

– Aldri før i Paralympics' historie har me opplevd slike omstende, seier presidenten i det internasjonale paralympiske forbundet.

OLYMPICS-RIO/

MÅ KUTTE: Paralympics opplever eit enorm budsjettkutt, og må nedprioritere blant anna vakthald og transport.

Foto: KAI PFAFFENBACH / Reuters

Med berre 19 dagar igjen til Paralmypics skal arrangerast i Rio de Janeiro, manglar arrangørane over 670 millionar kroner for å arrangere leikane som planlagd.

Det betyr at ein arena blir droppa frå arrangementet, i tillegg til at vakthald og transport blir nedprioritert. 10 land slit også med å delta i leikane, på grunn av manglande stipend.

No må presidenten i det internasjonale paralympiske forbundet (IPC), Sir Phillip Craven, tigge pengar hjå den brasilianske presidenten for å gjennomføre arrangementet.

Billettkrise

PARALYMPICS-RIO/RUSSIA

SKUFFA: IPC-president Sir Phillip Craven seier at dette er den største utfordringa Paralympics nokon sinne har stått ovanfor.

Foto: REUTERS TV / Reuters

For mykje av pengane som skulle blitt brukt på Paralympics skal i staden ha gått til dei olympiske leikane som blir arrangert i same by, to veker før. Det melder blant anna britiske Independent.

I tillegg slit Paralympics skikkeleg med billettsalget, og berre 12% av alle billettane til arrangementet er selde. Det vil seie at over to millionar billettar fortsatt er uselde.

– Sidan me blei oppmerksame på omfanget av problemet, har me jobba alt me kan for å finne løysingar på det. Aldri før i den 56 år lange historia til Paralympics har me opplevd slike omstende, seier Sir Phillip i ei pressemelding utsendt av IPC.

På pengejakt

Sir Phillip har hatt møter med både ordføraren i Rio, Eduardo Paes, og den midlertidige presidenten i Brasil, Michel Temer. Alt i eit forsøk på å samle inn opp mot 600 millonar norske kroner til leikane.

– Det ligg i DNAet vårt å sjå hinder som ein sjanse til å gjere ting annleis, og det er akkurat det me gjer her. Me er problemløysarar av natur, og me kjemper for det me trur på, seier Sir Phillip.

APTOPIX US Paralympic Trials Photo Gallery Kionte Storey

ETTER PLANEN: Alle arrangement skal gå etter planen, i følge IPC-presidenten.

Foto: Chuck Burton / Ap

Han garanterar at leikane vil gå som planlagd, trass budsjettkutta. Men han tek situasjonen alvorleg, særleg det at dei fattigaste landa kan bli hindra frå å delta. Paralympics skulle ha betalt alle dei 165 deltakarlanda støtte til å vere med i leikane i slutten av juli, men er enno ikkje gitt ut til alle land.

Sjølv om dei kjem i tide, kan det hindre dei fattigaste landa frå å delta, noko IPC seier dei prøver å løyse.

– Me vil at alle skal delta. No er det om lag 10 land som slit med å betale for reisa til Rio. Alle fortener å delta i Paralympics etter alt det harde arbeidet dei har lagt ned i trening og dedikasjon.

Siste nytt

  • Federer ikke til verdensfinale

    David Goffin er klar for finale i verdenstourfinalen i tennis i London etter 2-1 over favoritten Roger Federer.

    Federer har kun tapt fem ganger i 2017, men måtte altså strekke våpen lørdag.

    Goffin, rangert som nummer åtte i verden, slo ut verdensener Rafael Nadal tidligere i turneringen.

    David Goffin og Roger Federer
    Foto: TOBY MELVILLE / Reuters
  • Norge opna EM med siger

    Norges herrelag slo Russland 11-3 i sin første kamp i curling-EM i Sveits. Norge møter heimelaget i sin neste kamp seinare i kveld.

  • Arsenal seiret mot erkerivalen

    Arsenal slo Tottenham 2-0 i dagens kamp mellom rivalene. Shkodran Mustafi og Alexis Sánchez scoret målene. Det er uhyre tett mellom de beste lagene bak Manchester City for øyeblikket.

    Britain Soccer Premier League
    Foto: Kirsty Wigglesworth / AP

Sendeplan

Kl. Program Kanal