NRK Meny
Normal

Aalesund slapp med skrekken mot byrival – Mos og Riise avgjorde

Heilt til det 87 minutt såg Aalesund ut til på ei skikkeleg cupbombe mot 3.divisjonslag og byrival Herd. Så ordna John Arne Riise opp på corner.

Herd-Aalesund

AVGJORDE: John Arne Riise scora og hadde målgjevande pasning i avslutningsminutta mot byrival Herd.

Foto: Hans-Olav Landsverk / NRK

Laster innhold, vennligst vent..

– Me sit igjen med skuffelse, glede, bitterheit og ein tomheit over at me ikkje klarer å vinne. Me spelar ein bra kamp, da er det frykteleg surt å ikkje sitje igjen med noko som helst etter 120 minutt.

Herd-trenar Amund Skiri har lov til å vere skuffa.

To mål på 12 minutt

For i kveld skjønte ingen i Ålesund kva som skjedde. 12 minutt var spelt og 3.divisjonslaget og miniputt i denne samanheng, Herd leia 2-0 mot storebror i byen.

Islandske Ingolfur Örn Kristjansson hadde scora sju mål på sju kampar i tredjedivisjon for Herd, og heller ikkje eliteserieforsvaret til Aalesund klarte å stoppe Kristjansson. På ekte målscorar-vis sette han inn begge dei to fyrste måla til heimelaget.

Det så lenge ut som om Herd skulle gå av med seieren, men Aalesund tok opp kampen på slutten og vant etter en scoring i første ekstra omgang.

Kunne bli cuphelt igjen

Storebror AaFK kom rett frå storsiger 6-0 mot Tromsø søndag, men den sjølvtilliten viste dei ikkje framfor mål mot byrivalen. Ikkje før i det 40 minutt klarte dei å utlikne ved Sondre Brunstad Fet.

– Me hadde eit dårleg utgangspunkt, men me klarer heldigvis å snu det. Dei er 100 prosent på frå byrjinga av og det er ikkje me, seier innbyttar Mustafa Abdelloue som seinare skulle bli svært sentral.

Etter 75 minutt trudde alle at ein gamal cuphelt kunne bli det same igjen. Andreas Rekdal vann cupen med Hødd i 2012 og smalt inn 3-1 målet til Herd.

Cupkamp Herd-Aalesund

Men så skulle byens aller største stjerne vise seg fram i lokaloppgjeret. John Arne Riise har hatt ein tung start på comebacket i AaFK, men i sluttminutta viste han si store vinnarvilje og sterke dødballeigenskapar

Etter 87 minutt står Riise klar på hjørneflagget og slår eit godt hjørnespark, som jammen går rett i mål!

Minuttet etter får dei oransje nok ein corner og igjen går Riise ut. Denne gongen får han hjelp av innbyttar Mustafa Abdelloue framfor mål som får lirka ballen over streken.

Dødballane var forskjellen

Herd mistar avansementet i sluttminutta og må ut i ekstraomgangar. Der har Aalesund god kontroll og når Mos igjen får til ein fulltreffar i starten av den fyrste ekstraomgangen, blir det tungt.

– Me var så nærme. Me hadde 3-1 og så fekk dei to dødballar. John Arne har spelt på eit høgare nivå og han skjønar at han må slå gode dødballar mot slutten og det gjorde han. Me evnar ikkje å forsvare oss på dei inne i boksen og det var heilt avgjerande. Det var forskjellen på 3.divisjon og eliteserien i dag, seier Herd-trenar Skiri.

Han var med på å vinne cupfinalen med Aalesund i 2009. Da scora han det avgjerande målet i straffesparkkonkurransen, men i dag fekk han ikkje ein ny jubeldag i cupen.

Aalesund er best i byen, reddar seg inn med eit nødskrik og sikrar avansement til 3.runde.

Siste nytt

  • Ronaldo ble årets spiller

    Cristiano Ronaldo ble kåret til årets spiller under FIFAs prisutdelingsgalla i London mandag. Real Madrid-stjernen har vunnet priser på løpende bånd de siste sesongene. Mandag stakk han av med en ny gjev utmerkelse – i kamp med Barcelonas Lionel Messi og Paris Saint-Germains Neymar.

    FBL-FIFA-AWARDS
    Foto: GLYN KIRK / AFP
  • Real Madrid-tungt «årets lag»

    Årets lag ble ikke overraskende svært Real Madrid-tungt. Forrige sesongs mesterligavinnere var representert med seks spillere: Gianluigi Buffon - Dani Alves, Sergio Ramos, Leonardo Bonucci, Marcelo - Luka Modric, Toni Kroos, Andres Iniesta - Lionel Messi, Cristiano Ronaldo, Neymar.

    Britain The Best FIFA Awards
    Foto: Alastair Grant / AP

Sendeplan

Kl. Program Kanal