Hopp til innhold

Fem år sidan sist Carlsen starta med siger: – Eg har eigentleg gitt opp

MOSKVA (NRK): Magnus Carlsen slit med å slå antatt svakare motstand i VM i hurtigsjakk. Det forundrar ekspertane.

Magnus Carlsen

SLIT I STARTEN: Magnus Carlsen, her avbilda under Norway Chess i Stavanger i år.

Foto: jørund wessel carlsen / NRK

2. juledag startar VM i hurtigsjakk i Moskva. Magnus Carlsen er den største favoritten før start, men historikken gir verdas beste sjakkspelar noko å tenke på.

  • Det er fem år sidan sist han opna med siger.
  • I fjor starta Carlsen med to strake tap, mot antatt dårlegare motstand.

– Det er sikkert tilfelle i spel, men dei siste åra har eg spelt betre mot antatt sterkare enn dei antatt svakare. Eg speler mykje dårlegare mot svakare motstand, og senkar meg ned på deira nivå, seier Magnus Carlsen.

«Dårlegaste eg har spelt nokon gong»

I VM blir dei høgast rangerte spelarane sett opp mot dei antatt svakare i dei første rundane. Magnus Carlsen blir sette opp mot ein av dei med dårlegast ranking i feltet.

– Eg har eigentleg gitt opp å gjere noko med det, seier Carlsen.

Kva seier det om deg?

– Sikkert at mentaliteten er dårleg.

I fjor stod Carlsen klart betre mot Adam Tukajev, som var rangert 350 rating-poeng bak Carlsen, men Carlsen gløymde klokka og tapte på tid. Neste runde tapte han mot Sjamsiddin Vokhidov, som var 600 poeng bak Carlsen på lynsjakk-ratingen, og rangert som IM (internasjonal meister), nivået under stormeister i sjakk.

Sjamsiddin Vokhidov

SLO CARLSEN: Den ukjente usbekaren Sjamsiddin Vokhidov.

Foto: Jørund Wessel Carlsen / NRK

– Det er den store psykologiske gåta ved Magnus. Kvifor klarer han det ikkje? Han startar så ofte med tap, men greier likevel ikkje å gjere noko med det, seier NRKs sjakkekspert Atle Grønn.

Sjølv uttalte Carlsen at det var «det dårlegaste han hadde spelt nokon gong, så lenge han kan hugse».

– Magnus Carlsen er avhengig av å vere motivert. Mot svakare motstand blir det forventa at han vinn, det å vinne blir berre å gjere jobben er kjedeleg, og han vil gjere noko ekstra. I sjakk er normalresultatet remis, men når normalresultatet er siger, finn han ikkje den indre motivasjonar, meiner Atle Grønn.

Skjedde sist i 2014 – tok tre VM-gull

2014 er sist gong Carlsen vann opningsrunden i VM i hurtigsjakk. Då enda han opp med å vinne VM-gullet i både hurtig- og lynsjakk, i tillegg til at han slo Vishy Anand i langsjakk-VM i november. Han vart då den første i historia som tok alle tre titlane i same år.

I 2015 og 2016 starta han med remis, medan tre år på rad har det vorte verst tenkelege start på romjula.

Atle Grønn

NRKs SJAKKEKSPERT: Atle Grønn.

Foto: Jørund Wessel Carlsen / NRK

– Han klarer ikkje gire seg nok opp i treningspartia. Det gjer han ikkje verkeleg varm. Det er berre konkurranse som har effekt, han er alltid litt rusten i starten, seier Atle Grønn.

Sjølv meiner Magnus Carlsen at 2019 er dei beste åra hans i langsjakk. I lyn- og hurtigsjakk har det gått litt verre, men han vann nyleg ein storturnering i Kolkata i India. No kan han krone eventyråret 2019 med ein eller to VM-titlar.

– Sjølvtilliten er litt ned, for å vere heilt ærleg. Men i India såg eg kor fort eg kan gå opp med litt gode opplevingar, men eg trur ikkje det er noko problem. Sjølvtilliten kjem fort tilbake, seier Magnus Carlsen.

Siste nytt

  • Norge fekk nei frå Elitloppet

    Den norske trenarchampionen Frode Hamre reagerer kraftig på at det ikkje er nokon norsktrena hest med i årets Elitloppet i trav.

    – Både Cicero TG og Stoletheshow er gode nok til å vere med når ein ser på dei 16 som fekk plass. Eg synest det er skuffande at ein ikkje fann plass til ein norsk hest, ja rett og slett flaut for Solvalla, men, men det er dei som bestemmer, seier Hamre til Trav- og Galopp-nytt.

    Elitloppet blir køyrt søndag. Vinnaren av finalen får 5 millionar svenske kroner. det er venta cirka 40.000 tilskodarar på løpa i Stockholm laurdag og søndag.

    Den norskfødde hesten Cokstile (eigd og trena i Italia) er blant vinnarkandidatane.

    Nordmannen Dagfin Henriksen har base i Canada som travtrenar og kusk. Han har fått plass i løpet med hesten sin Perfetto. – Ein draum går i oppfylling, seier Henriksen til TGN om å delta i Elitloppet.

    Elitloppet
    Foto: MARCUS ERICSSON / TT / NTB
  • Golden State til NBA-finale

    Golden State Warriors er klar for sin sjette NBA-finale på åtte år.

    Det blei klart etter 120-110 over Dallas Mavericks i den femte semifinalekmapen i natt. Warriors vann dermed 4-1 i best av sju-serien.

    Klay Thompson scora 32 poeng i kampen i natt.

    Warriors blei meister i 2015, 2017 og 2018. Årets finalemotsandar blir enten Boston Celtics eller Miami Heat. Boston leier 3-2 før neste møte fredag kveld.

    Første finalekamp skal gå 2. juni i San Fransisco.

    Klay Thompson
    Foto: EZRA SHAW / AFP
  • Hovland under par i Texas

    Det norske golfesset Viktor Hovland ligg på ein delt 26.-plass etter den første runden av PGA-turneringa i Texas.

    Han ligg eitt slag under par, og det er tre slag opp til dei åtte som deler førsteplassen med fire slag under par. Seks av dei er amerikanarar.

    Det blei ein god start for Hovland som rulla inn for birdie allereie på det første holet, før det blei tre par på rad.

    På hol nummer fem gjekk han på ein bogey, men nordmannen slo tilbake på det åttande holet og sikra seg ein godkjent start på runden.

    Hovland spelte jamt og sørgde for par på de fleste hola mot slutten av runden. Han måtte likevel tole bogey på både hol 10 og 13. Han spelte derimot glimrande på dei siste hola og noterte seg for birdie på hol 17 og 18.

    Turneringa i Fort Worth i Texas, har rundt 80 millionar kroner i premiepengar. Vinnaren stikk av garde med 14 millionar.

    Viktor Hovland
    Foto: Carmen Mandato / AFP

Sendeplan

Kl. Program Kanal
Spilleliste med 39 klipp
Sport
Spiller nå
Haalands karriere fra A til NÅ 03:44
Neste