Wada fryktar søksmål frå idrettsstjerner

Wada fryktar at det kan kome søksmål frå utøvarar etter at russiske hackarar har henta ut og offentleggjort medisinske opplysningar.

Craig Reedie

FRYKTAR SØKSMÅL: – Vi er klar over faren for det, seier WADA-sjef Craig Reedie

Foto: Larsen, Håkon Mosvold / NTB scanpix

– Vi har ikkje fått signal om at nokon av utøvarane vurderer søksmål, men vi er klar over faren for det, seier Wada-president Craig Reedie til NRK.

Reedie er i Norge for å ta imot erklæringa som Kulturdepartementet og Norges Idrettsforbund har vedteke, og som krev at Wada må få større makt i å setje i verk sanksjonar i dopingsaker.

Han vedgår at han er uroleg for hackinga som den russiske gruppa Fancy Bears greidde å gjennomføre tidlegare denne månaden, der utøvarane sine medisinske opplysningar blir offentleggjorde.

– Vente og sjå kva som skjer

Biles

UTLEVERT: Turn-stjerna Simone Biles er ein av dei som har fått sine medisinske opplysningar offentleggjort av dei russiske hackerane. Men ho har ikkje gjort noko ulovleg

Foto: Rebecca Blackwell / Ap

– Vi søkjer juridiske råd, og vi har svært gode it-folk på kontoret vårt i Montreal, seier Reedie.

– Kva kan konsekvensane av eventuelle søksmål bli?

– Vi må vente og sjå om det skjer. Eg vil tru at vi vil forsvare oss som vi gjer i andre juridiske saker, seier Reedie.

– Eg trur utøvarane veit godt at det ikkje er vår feil. Det er hackarane sin feil, og det er dei søksmål må rette seg mot, seier Wada-presidenten.

Trur Russland kjenner til hackinga

Han blir opprørt nå han snakkar om hackinga.

– Det er fullstendig feil å gjere slikt, og det er truleg kriminelt at utøvarane sine private helseopplysningar er lagt ut offentleg. Det er urettferdig overfor utøvarane, for ingen av dei har brote nokon reglar.

– Vi trur at det er svært gode ekspertar som står bak. Eg trur ikkje at det er dei russiske styresmaktene som står bak, men eg blir overraska om ikkje dei kjenner til det, seier Craig Reedie.

Det norske datatilsynet kritiserte Wada for å ha for dårlege innloggingssystem allereie før denne hackinga oppstod.

Har enno ikkje stoppa lekkasjane

Serena Williams

UTLEVERT: Også Serena Williams' helseopplysningar er lekka, men heller ikkje ho har gjort noko ulovleg

Foto: Julio Cortez / Ap

– Vi har kontinuerleg kontakt med Antidoping Norge og gjer alt vi kan for å ha så sikre system som mogeleg. Men eg var ikkje klar over denne spesifikke kritikken, seier Reedie.

– Har de greidd å stoppe lekkasjane?

– Nei, ikkje enno.

Vil ikkje ut av IOC

Craig Reedie fekk presentert den fellesnordiske fråsegna der det blir kravd at antidoping-organisasjonen må få større makt til å innføre sanksjonar i dopingsaker.

Der blir det også teke til orde for at organisasjonen må vere mest mogeleg uavhengig.

Reedie har av den grunn sjølv gitt seg som visepresident i IOC, men han er framleis medlem i IOC.

– Eg kjenner meg hundre prosent som Wada-mann, og arbeider ikkje på vegner av IOC.

– Så du tenkjer ikkje å trekkje deg frå IOC?

– Nei.

Siste nytt

  • Tønnesen med nytt brudd

    Kent Robin Tønnesen, som sto over VM i håndball med brukket finger tidligere i år, har fått et nytt brudd. Denne gangen i høyrehånden. Skaden fikk han på trening.

    – Jeg har aldri brukket noe før i mitt liv. Nå skjer det to ganger på tre måneder, det er ganske spesielt, sier han.

    Tønnesen håper å være klar til å spille igjen i løpet av et par måneder.

    Tønnesen
    Foto: Vidar Ruud / NTB scanpix
  • LSK vant målrik serieåpning

    LSK Kvinner var på vei mot et svært overraskende tap hjemme mot Kolbotn i sesongåpningen. Så våknet den regjerende mesteren og snudde til 4-3-seier. Med 23 minutter igjen å spille var det gjestene Kolbotn som ledet 3-1, så kviknet LSK til. Først reduserte Guro Reiten til 2–3 etter 73 minutter, og deretter utlignet Emilie Haave to minutter senere. Ett minutt før slutt var snuoperasjonen komplett da Reiten satte inn sitt andre mål for dagen da hun scoret på straffe.

    Guro Reiten
    Foto: Terje Pedersen / NTB scanpix
  • Gangnes blir servicemann

    Kenneth Gangnes måtte gi seg på landslaget før jul på grunn av skade, nå blir han landslagets nye servicemann. Gagnes tar over for østerrikeren Thomas Hörl, som gir seg etter ni år.

    – Det blir gøy å være med og bidra på en litt annen måte enn å hoppe selv, sier Gangnes.

    Kenneth Gagnes
    Foto: Frode Søreide / NRK

Sendeplan

Kl. Program Kanal