Må vente på ny trenar til 2017

(Norge - Sverige 0-0): NFF har januar som sin interne tidsfrist for å få på plass permanent trenar.

Kristine Minde og Jonna Andersson

MÅLLAUST: Verken Kristine Minde eller nokon a de andre norske jentene makta å score, trass fleire gode sjansar mot Sverige

Foto: Schrøder, Tor Erik / NTB scanpix

Leif Gunnar Smerud leia kvinnelandslaget for aller første gong. Det gav fleire av jentene uttrykk for at dei sette pris på.

– Vi fekk klare retningslinjer før kampen, og vi fekk det langt på veg til også, sa Caroline Graham Hansen i NFFs direktesending på Facebook.

– Dette var lovande. Det er gøy å jobbe med han, eg håpar at han får halde fram, sa Hansen.

– Det var ein fin treningskamp og ein viktig kamp for Norge på sikt. Vi viser at vi held følgje og vel så det med Sverige. Jentene gjer ein veldig solid innsats. Men eg skulle gjerne sett ei scoring, var Smeruds kommentar til NRK.

Sjølv seier han at han ikkje er aktuell som framtidig sjef for kvinnelandslaget.

– Nei, eg er U21-trenar, seier han.

Siktemål januar

Men kven som skal leie det norske laget framover, blir neppe klart med det aller første.

– Vi skulle gjerne hatt han på plass til kampen mot Tyskland (29. november), men det er ikkje sikkert vi får til. Vi har gått breidt ut, og arbeider mot ei avklaring seinast i januar, seier toppfotballsjef Nils Johan Semb til NRK.

– Leif Gunnar skal etter plaen ha ansvaret i desse to kampane. Får vi på plass ei løysing før det, vil den nye leie laget mot Tyskland, seier Semb.

Leif Gunnar Smerud

NØGD: – Ein god treningskamp, seier Leif Gunnar Smerud, utlåt trenar frå guttas U21-landslag. No håpar jentene at han får halde fram

Foto: Grøtt, Vegard Wivestad / NTB scanpix

– Det var full innsats, og vi fekk vist mykje av det vi har jobba med. Vi skulle nok etablert betre spel heilt fremst, og vore litt meir presise. Men fekk til mykje av det eg håpa. Det er god innsats i botnen, og vi har bra kontroll. Ein heilt ok kamp, sa Smerud til NFF.

Også Emilie Haavi er nøgd med den nye trenaren.

– Vi har hatt bra treningar med trøkk og energi. Det var tydeleg kva planen var frå dag 1, seir ho om trenaren dei har hatt i berre fire-fem dagar.

– Sverige var litt annleis enn vi venta. Det var mykje springing, og vi lykkast godt med presset, vi hadde fokus på det. Og vi løyste det, seier ho.

Uviss framtid

Det er uvisst om han har jobben også i Norges neste kamp, mot Tyskland 29. november. For Smerud er normalt trenar for guttas U21-landslag, og er berre vikar for kvinnelandslaget, etter at Roger Finjord slutta etter avslutta EM-kvalifisering tidlegare i haust.

Medan dei svenske OL-finalistane var best den første timen av kampen, avslutta Norge best og hadde gode sjansar på slutten.

– Eg er glad vi greidde å halde nullen. Vi var litt shaky i første omgang, men hadde bra bra trykk i 2. omgang. I pausen blei vi samde om å utnytte romma vi fekk på sidene. Alt i alt gjorde vi ein bra prestasjon, seier lagkaptein Maren Mjelde.

Det blei drama i sluttminutta då Ada Hegerberg vart liggande etter ein duell. Lyon-stjerna måtte hjelpast av bana med bandasje og rennande blod.

NRK får opplyst at ho fekk hjerneristing og har sydd fire sting, men at det skal gå bra med Hegerberg.

Sportsnyheter

Tilbake på toppen etter tre år, hylles av lillebror: – Min argeste konkurrent

KONTIOLAHTI (NRK): Nesten ti år etter hans første verdenscupseier, og over tre år etter den forrige, var Tarjei Bø (32) tilbake på toppen av seierspallen. Nå frykter Johannes Thingnes Bø kampen mot storebror.

Siste nytt

  • Haaland: – Jeg er tilbake snart

    Erling Braut Haaland pådro seg en skade før hans Borussia Dortmund skulle møte Lazio i mesterligaen onsdag kveld.

    Nå kommer han med gladmelding på sin Instagram-konto.

    – Gode nyheter! Jeg snakket med legene mine. Jeg er tilbake snart, skriver Haaland.

    ESPN meldte raskt at nordmannen ikke er tilbake på banen før etter nyttår. Det vil si at han mister minst seks kamper, dersom rapportene stemmer.

    Champions League - Group F - Borussia Dortmund v Club Brugge
    Foto: Ina Fassbender / Reuters
  • Sandefjord straffes i rasismesak

    Sandefjord bøtelegges og må spille neste hjemmekamp uten tilskuere. Det skjer vel sju uker etter at Vålerengas Ousmane Camara ble utsatt for rasistiske tilrop.

    Sandefjord opplyser på sine nettsider at eliteserieklubben godtar boten på 20.000 kroner og publikumsnekten i søndagens kamp mot Viking. Det er doms- og sanksjonsutvalget i Norges Fotballforbund som har gitt straffeutmålingen.(NTB).

    Camara
    Foto: Trond Reidar Teigen / NTB
  • Årets spiller i Toppserien

    Søndag skal en seriemester kåres i Toppserien 2020, når den siste runden går av stabelen. Disse er nominert til årets spiller:

    Julie Blakstad (Rosenborg), Ingibjörg Sigurdardóttir (Vålerenga) og Cesilie Andreassen (Rosenborg).

    Vinneren vil bli presentert i forbindelse med cupfinalen 13. desmeber.

    Toppserien fotball 2020: Rosenborg - Vålerenga (0-0).
    Foto: Ole Martin Wold / NTB

Sendeplan

Kl. Program Kanal