Dusinet fullt for Vålerenga
Vålerenga vann heile 12-0 over Hønefoss i 3. runde i fotball-NM i dag. Det stod 3-0 ved pause, men Vålerenga banka inn ni mål til i andre omgang.
Elise Thorsnes og Synne Jensen scora tre mål kvar.
I den andre kampen i kveld slo serieleiar Sandviken AaFK Fortuna med 3-0. Vilde Hasund scora etter 17 minutt.
Deretter heldt Fortuna unna til klokka viste over 90 minutt. Men Kennya Cordner og Hasund igjen plussa på med to mål på overtid.
Resten av runden går onsdag.
Vålerenga og Sandviken skal også møtest i toppkamp i Toppserien laurdag.