– Det er gjort funn av ein person på branntomta som det er grunn til å tru å anta er den sakna, opplyser politiets operasjonssentral i Agder.
Pårørande er varsla.
Ein person var sakna etter at ein låve tok fyr tysdag ettermiddag.
– Brannvesenet går gjennom delane av bygget dei ser på som trygge å søke gjennom, sa operasjonsleiar Agder-politiet, Knut Odde til NRK tysdag ettermiddag.
Få timar seinare kom meldinga om ein person er funnen død på branntomta.
– Politiet sikrar no staden med tanke på tekniske undersøkingar. Sak vil bli oppretta og vert etterforska vidare, opplyser politiet.
– Eksplosjonsaktig smell
Rolf Røisland bur like ved og var ein av dei første til staden. Han høyrde eit smell og gjekk ut for å sjå kva som skjedde.
– Eg trudde først det var ein bil som brann. Det var eit eksplosjonsaktig smell. Låven var overtent på ein augneblink, seier han.
Røisland og ein annan fekk raskt varsla brannvesenet.
– Eg sprang bort, men då var den overtent allereie, seier han.
Ingen dyr i låven
Brannvesenet jobba på spreng for å hindre at hovudbygningen skulle ta fyr.
– Sløkking pågår, men uthuset kjem nok til å brenne heilt ned. Politiet er på staden og hentar inn opplysningar om kva som kan ha skjedd, opplyste Agder politiet sin operasjonssentral.
Det var ikkje dyr inne i låven.
