Kommisjonen skriv i sin rapport at personbilen var ombygd med senkesett som var justert lågare enn det som var godkjent.
Krevjande å køyre
I tillegg var det ikkje montert godkjende dekk og felgar. Kommisjonen peikar også på at høgre bakdekk var nedslite. I tillegg var støytdemparane på høgre side defekte.
– Ombygginga og manglane på personbilen medførte at denne vart svært krevjande å køyre, spesielt for ein uerfaren førar, skriv Statens havarikommisjon for transport i sin rapport.
Det var to 18-åringar og 20-åringar som sat i personbilen. Bilen kolliderte front mot front med ein trailer.
Var ikkje rusa
Havarikommisjon starta gransking av ulykka i desember 2010.
Fire veker etter ulykka konkluderte politiet med sjåføren av bilen, ein 18 år gammal mann, var påverka av alkohol.
Seinare vart dette trekt tilbake, då det viste seg at alkoholen var danna i kroppen i tidsrommet frå føraren døydde til prøvene vart tekne.