– Det er veldig tøft, men det verste er kanskje psyken. Det er lite mat og lite søvn. Når du er sliten, og i tillegg skal gjere ditt beste i konkurranse, blir det tungt.
Gjennom ni episodar har Torstein Risdal Hannås (22) frå Hornnes herja i utgåva av realityserien «Norges tøffeste» på NRK i år.
Han er til vanleg tømrar og brannmann – no også kanskje Noregs tøffaste.
Torstein Risdal Hannås hadde kanskje ein liten fordel frå bakgrunnen som tømrar da dei skulle stable ein mur med betongklosser i triellen i den åttende veka.
Foto: Erlend Laanke Solbu / NRKFire til finalen
Fire deltakarar har tatt seg til finalen: Hedda Schroeter Skaug, Magnus Nybakk Pettersen og Styrk Eriksen.
Den siste plassen var det Torstein som kapra, men ikkje heilt utan problem.
Hvem tror du vinner Norges Tøffeste sesong 5?
Ei noko lite steikt blodpølse kunne ha kome mellom han og den store finalen.
– Eg har vore sjuk sidan i dag tidleg og er framleis ikkje frisk. Så eg spring med halv tank, sa Torstein før han slo ut Jesper Rogstad i den aller siste konkurransen før finalen.
Torstein gir pølsa skulda.
– Det var noko av det verste eg har smakt. Eg blir kvalm av å tenke på det, så eg lurer på om eg blei matforgifta av den blodpølsa der.
Torstein Hannås slo ut Jesper Rogstad før finalen i Norges Tøffeste.
Foto: Erlend Laanke Solbu / NRKHarde kår
I programmet måler fem jenter og fem gutar krefter gjennom ulike krevjande øvingar.
Dei har blant anna:
- bore jerrykanner fulle av vatn for å fylle ein tank på 1400 liter, samtidig som dei er lenka fast i kvarandre i lag på fire
- konkurrert i å henge så lenge ein kan frå eit røyr over sjøen
- sprunge i ring for å ta igjen kvarandre med eit tungt bildekk hengande på slep
I lag på fire måtte deltakarane fylle ein tank på 1400 liter med vatn, samtidig som dei var lenka fast i kvarandre.
Torstein Hannås var ein av dei som hang lengst i røyra over vatnet.
I finalen skal Torstein kjempe mot Magnus Nybakk Pettersen...
Styrk Eriksen...
... og Hedda Schroeter Skaug.
I konkurransane blir det delt ut poeng basert på prestasjonane. Den med flest poeng etter ei veke, blir vekevinnar. Dei tre med færrast poeng, må ut i triell der éin ryk ut.
Og deltakarane må også ta til takke med det dei får servert av næringsstoff under opphaldet.
Dei bur i ganske primitive kår på den nedlagde oljeplattforma Albusjell i Trondheim. Der har dei fått begrensa med mat, og har ikkje hatt tilgang til telefon og klokker.
– Ein måtte eigentleg berre ete det ein fekk, for det var ikkje all verda med næring.
Allereie tøffast i éin sport
Til vanleg er Torstein tømrar og brannmann, og handballspelar i 1. divisjon for Randesund IL.
I tillegg er han noregsmeister i brannsport.
I konkurransar finn han alltid eit ekstra gir.
– Ein finn ein ny person i seg sjølv. Det er på ein måte ein annan gneist der, enn den du har på ei vanleg trening.
Han beskriv opphaldet i Trondheim som ei berg og dalbane av ei oppleving. Men, han ville ikkje vore ho forutan.
– Det har vore ei oppleving både på godt og vondt. Eg har vore skikkeleg i kjellaren.
Samstundes blei dei ti deltakarane ein samansveisa gjeng, fortel han.
– Det er vanskeleg å møtast, for det er folk frå heile Noreg, men vi held framleis kontakten på sosiale medium.
Mange av konkurransene har vært harde for Torstein Hannås og dei andre deltakerane.
Foto: Erlend Lånke Solbu / NRKPopulært program
Programmet har blitt eit av Noregs mest sette på NRK, og deltakarane har imponert sjåarar landet rundt.
Det har Torstein også merka på merksemda han har fått.
– Det blir nokre blikk her og der. Etter ein handballkamp eg spelte i Trondheim stod det ein heiagjeng då eg kom ut frå garderoben for å ta selfiar med meg.
– Det var kjensla av å vere stor stjerne, rett og slett?
– Ja, akkurat der fekk eg kjensla av å vere litt kjendis, faktisk.
Finalen blir publisert på NRK TV klokka 18.00 på torsdag.
Fire deltakarar – alle sterke på sin måte, vil bli Noregs tøffaste. Aldri før har det vore ein hardare kamp i finalen.
