Mann knivstukke i Kristiansand

Mannen som vart knivstukke møtte sjølv opp på politivakta.

– Ei politipatrulje køyrde til adressa der episoden hadde skjedd og arresterte gjerningsmannen. Kniven som vart brukt er også sikra, seier operasjonsleiar ved Agder politidistrikt, Børge Steinsland til NRK.no.

Episoden skjedde like over klokka 19 på ei adresse i Vågsbygd i Kristiansand måndag kveld. Mannen som vart knivstukke er ikkje alvorleg skada.

– Det går bra med han. Han er ikkje alvorleg skada, då han kun fekk eit kutt i den eine handa, seier han.

I leilegheita der knivepisoden skjedde var det i tillegg ei kvinne og to mindreårige barn. Desse vert no teke hand om.

– Personane er ikkje etnisk norske, seier Steinsland.