– Det var langt ifrå nokon normalsituasjon. Det var fleire ting eg stussa på, seier lensmann Sigurd Langeid til NRK.
LES:
LES:
LES:
LES:
Han forklarte seg for retten der Valle-prest Arne Skare er tiltalt for falsk forklaring. Lensmannen var den første som kom til ulykkesstaden der presten hadde køyrd av vegen, då fleire bremseslangar og leidningar i samband ABS-systemet var kutta.
Lensmannen stussa
– Då eg kom fram, 20-25 minutt etter at vi vart varsla om ulykka, fekk eg ikkje kontakt med han. Eg sjekka både puls og pust, alt var i orden. Det var ikkje synlege skader på han, så eg stussa litt, sa Langeid.
– Det var heller ingen bremsespor i vegen eller i grusen der bilen stod. Det var heller ingen store skader på bilen, sa han.
– Då vi fekk liv i han mumla han noko om bremsene. Men det var vanskeleg å få nokon samanheng i det han sa, ifølgje Langeid.
Tok ut siktelse
Lensmannen tok ut siktelse mot Skare for køyring i rusa tilstand.
– Slik som han oppførte seg var ikkje forenlig med skadene han kunne ha etter ei slik ulykke.
– Kan Skare ha vore i sjokk?, spurte forsvarar Sveinung Søndervik Johnsen.
– Ikkje slik eg vurderte det, sa Langeid.
Seinare viste det seg at han ikkje køyrde med ulovlege stoff i kroppen. Valle-presten forklarte at han var redd.
– Eg hadde gått gjennom eit heilt år med uro og angst. Eg var klar for at noko kunne skje den dagen, sa han om kvifor han reagerte som han gjorde.