Skare hevdar at Salvesen skal ha komme med trugslane i ein samtale mellom dei to. Ein samtale som aldri har funne stad, meiner Salvesen.
LES:
LES:
BAKGRUNN:
– Det er absurd å komme i ein slik situasjon. Dette er berre tull og tøys, sa Salvesen til NRK etter at han hadde forklart seg for retten, der Valle-presten er tiltalt for falsk forklaring.
Reagerte
Skare hevdar blant anna at Salvesen skal ha sagt at han ikkje likar nordlendingar. I tillegg skal han ha blitt irritert ved fleire høve då Salvesen tok på seg oppdrag utan å spørje han først. Blant anna i samband med eit bryllaup der Skare nekta å vigsle eit par utandørs. Paret tok kontakt med Salvesen og spurte om han kunne viglse dei. Det sa han ja.
LES:
LES:
Ved eit anna høve fekk Salvesen spørsmål om han kunne gjennomføre ei gravferd for ein mann, som han hadde fulgt tett i mange år. Salvesen sa ja til dette, noko som fekk Skare til å reagere kraftig.
Vart skjelt ut
– Eg hadde 5-6 ubesvarte anrop på telefonen min og ein SMS med teksten «planlegger du noe her», seier han.
– Då eg ringde han opp igjen fekk eg ei overhøvling eg ikkje kan hugse å ha fått. Eg la meg flat, og sa at eg burde ha snakka med han. Eg har opplevd før at folk vil ha andre prestar, sa han.
– Han holdt på i 10-15 minutt, og eg tenkte slik bør han ikkje prate til meg. Eg nevnte episoden til prosten. Han ba meg liggje lågt, sa Salvesen.
Den tiltalte Valle-presten rista på hovudet då Salvesen forklarte seg.
Theis Salvesen var oppteken av det er vanskeleg å vere prest i Valle. Han fortalde om fleire ubehagelege opplevingar. Blant anna vart det sett ut rykter om Salvesen då han var prest i Valle. Salvesen tok då kontakt med politiet, og det roa seg.
– Har gjort det sjølv
– Det var ymse. Eg vart veldig dårleg motteke. Det var ikkje lettå komme til Valle. Vi vurderte fleire gonger å flytte, men valde å bli, sa han.
Skare er tiltalt for å stå bak drapstrugslar mot seg sjølv og for å ha kutta av bremseslangar på bilen sin, slik at han kom ut for ei trafikkulukke.
– Eg kan ikkje forstå anna enn at han har gjort dette sjølv. Det kan vere mange tøffe tak i Setesdal, men eg trur ikkje dei går fysisk til åttak slik som er tilfelle i denne saka, sa han i retten.
Politiførstebetjent Dag Hovden hadde ei rekkje samtaler med tiltalte. Ein av samtalane dreia seg om det å ta over oppgåva som prest i Valle.
– Skare sa at det var vanskeleg å overta etter Salvesen. Salvesen hadde ein solid posisjon i Valle. Han sa at det hadde vore ei konfliktfylt overtaking, sa Hovden i retten.
