Imponert over eigne spelarar

– Vi har eit internasjonalt snitt over det vi gjer defensivt, og vi har ei målvakt som held høg internasjonal klasse. I tillegg kontrar vi bra og vi spelar god angrepshandball, seier Gautestad til NRK.no.

• LES OGSÅ: ØIF briljerte på hjemmebane

Sjanselause

Viking Stavanger var sjanselause mot eit sterkt ØIF Arendal i Nedeneshallen onsdag kveld. Allereie etter fem minutt leia arendalittane 6-0.

– Vi gjekk til pause med 18-8 leiing. Kampen var allereie avgjort. Dermed vart det så som så i andre omgang, men første omgang var det høg klasse over, seier trenaren.

Defensivt verka arendalittane tryggare enn nokon gang. Bakerst stod Svenn Erik Medhus ein ny kjempekamp.

– Beste keeperen i eliten

– Svenn har utan tvil vore den beste målvakta i eliteserien denne sesongen, seier trenaren.

I semifinalen i Drammenshallen 29. april, kan ØIF Arendal møte seriemeister Haslum, Drammen eller Elverum.

– Det vert ei kjempeutfordring. Det er tre lag som har teke fleire poeng enn oss i serien. Samstundes har vi vist at vi kan utfordre dei. Vi er både stolte, audmjuke og glade for at vi har nådd målsettjinga vår å komme til semifinale, seier Gautestad.

Trekninga av semifinalane skjer torsdag.