Vipers fekk ein fantastisk start på kampen og leia 4-1 berre fem minutt ut i kampen. Men bergensarane slo tilbake og snudde kampen i løpet av ti minutt.
Tertnes leia 11-7 til pause. I andre omgang slo Vipers hardt tilbake. Etter berre fire minutt spel var det Vipers som var tilbake i leiinga 12-11.
Utover i andre omgang auka Vipers avstanden og vann til slutt 27-22.
Dette var Vipers sin tredje siger over hordalendingane denne sesongen. Vipers har nemleg vunne begge seriekampane mot Tertnes.
Returmøtet i Bergen vert spelt 30. april. Vinnaren samanlagt går til semifinalen i sluttspelet i handball for kvinner.
