NRK Meny
Normal

Skal ha folkeavstemming for å avgjere fylkesbyte

Kommunestyret i Evje- og Hornnes har bestemt at det blir folkeavstemming om kommunen skal søkje overgang til Vest-Agder.

Evje og Hornnes kommune

FYLKESOVERGANG: Innbyggjarane skal bestemme om Evje- og Hornnes skal søke om overgang til Vest-Agder.

Foto: Sundsdal, Svein / Svein Sundsdal/NRK

– Vi ynskjer at det skal kunne gjennomførast ei folkeavstemming. Det ynskjer vi å gjennomføre i samband med stortingsvalet i 2013, seier ordførar i kommune, Bjørn Ropstad til NRK.no.

Departementet har allereie motteke ein felles søknad frå Lillesand, Iveland og Birkeland om overflytting til Vest-Agder. Men departementet er usikre på kva Evje- og Hornnes eigentleg vil.

Difor blir dei no bede om å gjere klart kva dei vil, før saka blir avgjort.

Ordføraren trur ikkje at dette vil bety utsettjing for dei tre andre kommunane.

I tillegg meiner han at det vil bli ei «grei skuring» for Evje- og Hornnes å byte fylke, dersom dei andre får ja på bakgrunn av folkeavstemmingane.

– Eg tippar det vil skje i samband med neste kommune- og fylkestingsval, seier han.