NRK Meny
Normal

Fleire tek bussen trass klagestorm

Trass i store oppstartsproblem kan Nettbuss Sør vise til ein oppgang i talet på passasjerar.

nettbuss sør

FLEIRE PASSASJERAR: Nettbuss Sør viser til oppgang i talet på passasjerar i januar samanlikna med i fjor. (Arkivfoto)

Foto: Sundsdal, Svein

Ferske tal viser ei auke på 3,2 prosent samanlikna med januar i fjor, skriv Fædrelandsvennen.

– Hyggeleg

For ei tid tilbake fortalde NRK.no om at selskapet har motteke fleire hundre klager på forseinkingar og dårleg kundebehandling. På dei verste dagane hadde selskapet opp mot 700 klager.

– Det er utruleg hyggeleg at kundane står oss bi trass utfordringane i oppstarten. Det skapar ekstra motivasjon til å bli betre, seier administrerande direktør i Nettbuss Sør, Anders Roger Øynes til avisa.

– Vi gjer heile tida justeringar basert på kundehenvendelsar, seier han.

Ferske

Selskapet tok over busstransporten i kristiansandsområdet ved nyttår.

– For dei som var med over frå AS Bussen til Nettbuss Sør har det vore ei stor endring. Dei endringsprosessane klarar ein aldri å førebu seg godt nok til. Det har slått uheldig ut for vår del, sa Øynes til NRK.no tidleg i mars.

Selskapet skal gå gjennom alle klagene som har komme inn.