09.50 Mandal: Politiet har forsøkt å «gjenopprette» påskefreden mellom to naboar i Mandal. Den eine tilkalla politiet då den andre fyrte opp grillen. – Naboskap sett på prøve når grillen vert fyrt opp for å irritere og røyklegge naboens påskefrukost, skriv politiet.
02.30 Birkeland: Ein person vart slått ned i sentrum. Både politi og ambulanse var på staden, men vedkommande ville ikkje ha hjelp.
02.24 Grimstad: Politiet fekk melding om slåsting. Ifølgje politiet var dette «oppløyst» då dei kom fram til staden. Ein person skal ha blitt slått i hovudet, men ynskte ikkje legehjelp. Forholdet vil bli meldt.
02.21 Flekkefjord: Ein person vart slått ned. Personen vart send til legevakta med mindre skader.
02.20 Søgne: Ein person vart natt til fredag pågripen for vald i Søgne. Personen skal også ha sett fram trugslar mot politiet.
02.01 Kristiansand: To personar vart vist bort frå sentrum etter å ha laga bråk.
01.24 Søgne: Politiet vart varsla om at ein person gjekk i vegbana på E39. Politiet reiste til staden og køyrde vedkommande vekk frå E39.
00.41 Arendal: Politiet stengde ein utstad i Arendal fordi dei meinte dei hadde for dårleg vakthald i tillegg til det politiet kallar ordensproblem.
00.32 Arendal: To personar vart køyrde til legevakta etter eit trafikkuhell. Ifølgje politiet dreia det seg om ein påkøyrsel bakifrå.
