NRK Meny
Normal

– Trist at valdtekter skal lamme ein heil by

To overfallsvaldteker og eit overfall i løpet av kort tid skapar bekymring i Kristiansand.

Voldtekter i Kristiansand

OVERFALL OG VALDTEKT: To valdtekter er meldt til politiet i Baneheia den siste tida. I tillegg har ei kvinne meldt eit overfall på Kongsgård i Kristiansand.

Foto: Øivind Eskedal/NRK - Jan Inge Thomassen/NRK

– Det er veldig trist at mange går rundt og er redde og ikkje torer å gå ut. Dei tek ansvar for den kriminelle si åtferd og det tykkjer eg er heilt forferdeleg, seier nestleiar ved krisesenteret i Kristiansand, Tove Hægg Versland til NRK.no.

Ny valdtekt

Natt til søndag i førre veke vart ei kvinne overfalt og valdteken av to utanlandske menn i Baneheia i Kristiansand. Så langt er ingen arrestert i saka, og politiet etterlyser tips frå publikum.

Natt til onsdag denne veka vart ei kvinne forfulgt og angripe på Kongsgård i Kristiansand. Torsdag melde ei ny kvinne seg for politiet. Ho skal ha blitt valdteken på nattestid 29. mai i Baneheia.

Geir Hansen

Geir Hansen

Foto: Jan Inge Thomassen / NRK

Politiet kan ikkje utelukke samanheng mellom sakene.

– Det er ikkje godt å seie. Det kan vere tilfeldig og det kan vere ein samanheng mellom enkelte av desse sakene, seier Geir Hansen.

– Dette er trist

Hægg Versland er uroa for korleis episodane vil påverke tryggleiken til kvinnene denne sommaren.

– Eg forstår at folk vert engstelege, seier ho.

– Eg legg også merke til politiet sine uttaler i media om at det må vere opp til kvar enkelt å kjenne på og ta ansvar i forhold til kva dei ynskjer å gjere. Det støttar eg heilt fullt ut. Det er for ille dersom det skal lamme ein heil by. Det tykkjer eg er trist, seier ho.