– Vår ambisjon er å vinne Vestlandet, i likheit med alle regionar i Norge, seier partisekretær Kjersti Stenseng.
Stenseng har ein knapp månad bak som partisekretær i Arbeidarpartiet. Ho tok over rolla etter Raymond Johansen. Han hadde som uttalt mål å gjennvinne kysten og Vestlandet.
Tar tempen på valkampen
– No har eg hatt diskusjonar med næringsliv og med lokale partimedlemmer først og fremst for å bli kjend med folk og få innspel til viktig saker, og få tatt temperaturen på valkampen vår.
– Kva saker tenker du å bruke til lokke vestlandsvelgarane?
– Det viktigaste for oss er å få fokus på det lokalvalkampen handlar om, sakene som er viktig lokalt, satsing på skule, på eldre, på helse og få dei gode fellesskapsløysingane. Vi har ei regjering som ynskjer å dra oss i ei anna retning enn vi ynskjer, økonomi er viktig for å kunne tilby gode tenester, og vi ser no mange kommunar som slit. Det vil vi sette fokus på i valkampen.
Ser framover
Ved førre val miste Arbeidarpartiet fleire kommunar, men Stenseng vil i dag peike på kva ho meiner kan vere årsaka til det.
– Mitt hovudfokus no er å peike framover. Vi vil gjerne ta makta igjen i kommunar som Førde, Florø og Bergen som i dag er styrte av Høgre.