DEBATT:
LES OGSÅ:
- Me er veldig utolmodige for situasjonen frå 2006 har me ikkje lyst til å oppleve på nytt, seier leiaren i Jostedal sankelag, Arne Bjørk.
Arne Bjørk seier dei i lengre tid har venta på at Bjørnen som i 2006 tok livet av fleire titals sauer skal kome tilbake til Jostedalen.
Greidde ikkje skyte bjørnen
Den gongen fekk dei fellingsløyve, men jaktlaget greidde aldri å skyte bjørnen. Men denne gongen har dei budd seg godt og vil ha fellingsløyve så snart som råd, før sporsnøen forsvinn.
- Hadde me fått sendt eit jaktlag etter bjørnen så hadde me hatt ein sjanse.
Ikke automatisk løyve
Men seniorrådgjevar Morten Kjørstad i direktoratet for naturforvaltning kan ikkje love bøndene ferske spor.
Trass i at det ikkje er noko mål å ha ein bestand av bjørn i Sogn og Fjordane er det heller ikkje slik at dyra automatisk skal skytast om dei kjem hit.
- Det er ikkje noko automatikk i at ein skal felle ein bjørn når den kjem inn i Sogn og Fjordane, men i eit slikt område vil ein ha ein betydeleg lågare terskel for å tillate felling enn andre stader der ein har eit mål om å ha ein fast bestand av bjørn, seier han.
Direktoratet må gje løyve
I dag skal rovviltnemnda i fylket ha møte om kor mange rovdyr som kan skytast denne sesongen.
Rådet vil gå inn for at Fylkesmannen gir løyve til å skyte ein bjørn, men Fylkesmannen kan ikkje gi eit slikt løyve før etter 1. juni.
- Om dei søker om lov til å felle ein bjørn før 1. juni er det ikkje fylkesmannen men Direktoratet for Naturforvaltning som bestemmer, seier leiar i rådet, Norvall Nøringset.
Men Arne Bjørk fryktar at sporsnøen skal forsvinne og at bjørnen må ta livet av sauer før dei får byrja å skyte.
- Beitesleppet er rett om hjørnet no, og år bjørnen er i området bør me kunne ta han ut, seier Bjørk.