Det skriv
.– Det er definitivt realistisk å få til ein politihøgskule i Florø, seier Lødemel til avisa.
Han er toppkandidat på Høgre si stortingsliste.
– For dyrt
Han seier at idrettsfasilitetane i byen, Florø Idrettsenter og Havhesten, gode kommunikasjonsvegar til Bergen og Oslo, skytebana på Grov og bygningsmassen ved politihuset i Florø er gode grunnar til at ein politihøgskule kan etablerast i kystbyen.
Men det er ikkje Ingrid Heggø (Ap) samd i.
– Det er ikkje vegen å gå. For det første må ei slik utdanning ligge der det er eit høgskulemiljø, og for det andre blir det for dyrt å opprette ei ny desentralisert politiutdanning.
Motstand
Ho seier det er stor motstand i fleire politi-instansar mot å opprette nye, desentraliserte skular.
– Det er feil måte å utnytte ressursane på. Det er betre å bruke pengane på større politihøgskular, seier Heggø.
Politimeister Johan Brekke, som har vore assisterande rektor ved Politihøgskulen i ni år, er samd i det. Han meiner forslaget til Høgre er heilt urealistisk.
– Ein bør heller byggje ut ein større høgskule i Oslo. Kvalitetsmessig er det vanskeleg med små filialar, slik som i Bodø, seier Brekke.