Meiner ein må få fleire turnuslegar for å unngå utanlandske vikarlegar

– Skal vi motarbeide dei tilstandar som har vore ved Nordfjord legevakt, så er nøkkelen å få minst mogleg bruk av vikarlegar og ha mest mogleg stabile, eigne legar, seier Furnes.

Han legg til at rekrutteringa er best blant nyutdanna turnuslegar.

– Og då er det viktig å ha plassar til dei, seier Furnes.

• LES OGSÅ: Pillerusa lege tiltalt for bildrap visste at han var under gransking frå helsetilsynet
• LES OGSÅ: Ny vikarlege ved legevakt i Nordfjord mistenkt for rusbruk på jobb

Er avhengige av utanlandske vikarlegar

Tidlegare i sommar kom det fram at Nordfjord legevakt vil prøve å kutte ned bruken av vikarar som er knytte til legevaktordninga. Bakgrunnen er mellom anna tilsynssaka mot ein vikarlege som har vedgått at han var rusa på jobb.

Fylkeslegen har signalisert at kommunane no kan vente seg fleire tilsyn der det vert sjekke korleis dei handterer tilsetjing av legevikarar, etter fleire episodar der spesielt legevikarar på legevakt har fungert dårleg. Nokre har vore rusa, andre har vore inkompetente.

For i det heile å få tak i nok legar, er norske utkantkommunar avhengige av å leige inn utanlandske vikarlegar.

Dette er legar kommunane ikkje kjenner på førehand, og kvaliteten på legane har vist seg å vere variabel.

• LES OGSÅ: Tilsette meinte vikarlegen oppførte seg rart fleire timar før han vart teken av vakt
• LES OGSÅ: Rusa lege vart ikkje teken av vakt. – Hårreisande, seier Pasientombodet

Ville fått mindre behov

Mellom anna er tre danske vikarlegar under gransking frå Statens helsetilsyn grunna svært kritikkverdige forhold medan dei jobba ved Nordfjord legevakt.

Med fleire turnuslegar ville behovet for å leige inn utanlandske legar vorte mindre, seier Furnes. Det burde også vore mogleg å prioritere turnuslegar som opphavleg kjem frå Sogn og Fjordane, meiner han.

– Skal vi tenkje rekruttering for legar i framtida, må vi våge å prioritere legar som høyrer til her, seier Furnes.

• LES OGSÅ: No vil fylkeslegen ha tilsynssak også mot Nordfjord legevakt
• LES OGSÅ: «Det er altfor lang tid»

Har ikkje høve til å velje

Mats Rekve, fungerande fagdirektør i Helse Førde, seier det vil vere brot på regelverket dersom turnuslegar med opphav frå eige fylke blir prioritert føre andre.

– Vi har fått ein uttale frå ESA om at vi ikkje har høve til det innanfor den europeiske arbeidsmarknaden, seier Rekve.

Furnes meiner det berre er tilfeldig at ikkje også Sunnfjord legevakt har fått vikarlegar som ikkje har fungert.

– Problemet er at vikarlegar er ukjende legar. Då er til dømes rusproblematikk noko ein ikkje oppdagar med ein gong, seier Furnes.

• LES OGSÅ: Nordfjord legevakt vil kutte ned på vikarbruk