Det var mellom det som kom fram då økonomirapporten vart presentert måndag.
Var ikkje klar over
Seglskutefesten skulle koste kommunen maks ein million kroner, men vart ein økonomisk skandale som etterkvart sende Vågsøy rett inn i Robek-registeret. Underskotet
, .LES OGSÅ:
- Eg var klar over aktivitetsnivået, men ikkje alle kostnadane som var knytt til det, seier rådmann Ørjan Raknes Forthun og vedgår at budsjettet ikkje var tilstrekkeleg oppdatert før arrangementet.
- Katastrofe
Då rapporten vart lag fram måndag, kom det saman med ei rekkje erkjenningar: "Vi visste ikkje, vi rekna feil, det dukka opp uforutsette utgifter og vi skulle organisert oss annleis". Det kom frå same kommunetoppane som i tida før "Sjøens-OL" hevda at dei hadde full kontroll på økonomien. Leiar i Vågsøy Raudt, Geir Oldeide, er rysta over økonomistyringa.
- Det er katastrofe. Det er ikkje anna å seie, sukkar han.
Ikkje største overraskinga
Årsaka til at underskotet igjen har vakse, er feilføring i kommunerekneskapen. Tilsette i Vågsøy kommune har jobba med Tall Ships Races i staden for deira vanlege oppgåver. No er også denne biten med i underskotet. Likevel, det var ikkje underskotet som overraska Oldeide mest.
Alle har trudd at det var ordføraren som var leiar for hovudkomiteen, eller styringsorganet, for arrangementet.
Kontrollerte seg sjølv
På spørsmål frå Oldeide viste det seg at prosjektleiar Helge Hjelle også sat med dette vervet.
- Alle har gått ut ifrå at det var ordførar som var leiar for hovudkomiteen. Det er litt rart at ein skal vere både prosjektleiar, og den som skal passe på at prosjektleiaren gjer dei rette tinga, seier Raudt-politikaren.
Hjelle vil ikkje kommentere Tall Ships Races, men rådmann Raknes Forthun vedgår at seglskutefesten burde vore organisert annleis.