NRK Meny
Normal

Uvêr og rasfare stengjer fleire vegar

Dårleg vêr og føreforhold gjer at fleire vegar i Sogn og Fjordane er stengde måndag morgon.

Vegen mellom Hol og Aurland har lenge vore stengd på grunn av uvêr, no er det kolonnekøyring.

UVÊR: Dårleg vêr gjer at fleire fjellovergangar er stengde. Vegen mellom Hol og Aurland har vore stengt i fleire timar, frå klokka 8 er det kolonnekøyring på strekninga.

Foto: Statens vegvesen/Webkamera

Klokka 11:30 varslar Vegtrafikksentralen at desse vegane er stengde:

  • Riksveg 13 Vikafjellet, stengt på grunn av uvêr. Ny vurdering klokka 13.
  • Fylkesveg 618 Almenning–Selje, stengt på grunn av steinras. Venta opna klokka 15.
  • Fylkesveg 55 Esefjorden, stengd på grunn av rasfare
  • Fylkesveg 92 Matre–Bjordalen, stengt på grunn av rasfare
  • Fylkesveg 152 Ulvestad–Menes, stengt på grunn av rasfare
  • Fylkesveg 50 Hol–Aurland, kolonnekøyring

– Det er vind og snøbyer på fleire av fjellovergangane. På Hemsedalsfjellet er det stiv kuling, med redusert sikt, og det er fare for at det kan bli kolonnekøyring på kort varsel, seier Arne Stadheim ved Vegtrafikksentralen.

Til no har det ikkje melding om uhell eller ulukker på vegane, men bilistar som skal ut med bil må vere budde på varierte køyreforhold.

– Det er gjerne glatt der det er snødekke no. Og temperaturane ligg på null grader, og då blir det glatt når det kjem snø på, seier Erikstad.

Det er meldt periodevis stiv kuling utsette stader, frå i føremiddag sterk kuling måndag føremiddag. Snø- og sluddbyene held fram, på kysten kjem det truleg som regn. Det er framleis fare for tore, melder Meteorologisk institutt.

Stor auke i bedriftar som tilbyr opplevingar til turistar
Fotballfeber i Florø før tidenes første fjerderundekamp i cupen
veger, arbeid med reparering etter flommen, hotell, gjestehus, parkeringsplasser med busser, busser