I sommar er det ved fleire høve observert turistar ståande i båt og utan redningsvest både i Vågsøy, Solund og Gulen.
Tyske turistar på fiske - arkivfotoTorje Bjellaas NRK
Når utanlandske turistar er ute i båt er det tydlegvis ikkje alt som skjer etter boka. For ved fleire høve har politiet i Vågsøy observet brot med normalt båtvett, fortel lensmann Reinhardt Sørgård.
Fleire kontrollar
Også i Solund og Gulen er det meldt om turistar som ikkje har nok kunnskap om bruk av båtar. Men lensmannen i Gulen, Henry Indrebø, meiner problemet er like stort for norske turistar som for utlendingar.
Sørgård seier slik oppførsel i verste fall kan føre til fare for liv og redningsaksjonar, noko som også kostar dyrt. Politiet vil no innføre fleire kontrollar for å få bukt med problemet.