Sjukepleiar Torill Sørland ved Nordfjord sjukehus skreiv i fjor sommar eit lesarbrev i lokalavisa der temaet var slagbehandlinga i fylket.
Etter at innlegget stod på trykk skal Jon Bolstad ha ringt Sørland på fritida og truga henne med sparken.
Ifølgje tillitsvald Marta Kjøllesdal skal Helse Førde-sjefen ha kjefta Sørland huden full for brevet. Han skal også ha trua henne med sparken.
- Bolstad har oppført seg svært kritikkverdig, meiner Kjøllesdal.
Kjøllesdal seier til BT at dei tilsette ved sjukehuet ikkje torer å seie frå om kritikkverdige tilhøve av frykt for å verte sparka av Bolstad.
- Ikkje hyggjeleg telefonsamtale
Jon Bolstad vedgår at han var "veldig tydeleg" i telefonsamtalen med Sørland. Bolstad seier han ville ha ei oppklaring etter lesarbrevet.
- Det vart ingen hyggjeleg telefonsamtale, seier Bolstad, som nektar for at han trua med sparken.