– Personen vart erklært død på staden, seier operasjonsleiar i Vest politidistrikt, Morten Rebnord.
Totalt var tre bilar og tre personar involverte i ulukka som fann stad om lag 100 meter aust for Fretheimtunnelen ved Flåm i Sogn. Ulukka skjedde i ei 80-sone.
To personar blei sende til sjukehus og legevakt for sjekk.
Pårørande er varsla.
E16 var stengt
Det var klokka 18.38 at politiet fekk melding om ulukka gjennom Alarmsentralen.
– Kriminalteknikarar er kalla ut saman med ulukkesgruppa til Vegvesenet, seier Rebnord.
Som følgje av ulukka var Flenjatunnelen, Fretheimtunnelen og Gudvangatunnelen stengde på E16. Tunnelane opna natt til laurdag.