Alle dei seks tillitsvalde med 900 tilsette i ryggen, står samla bak mistilliten mot styreleiaren. Reidar Tangen i Fagforbundet meiner Holm har handla i strid med dei tilsette, og vil at Holm skal gå av.
Styreleiar Einar Holm vil bli sitjande.
- Heilt håplaus
Styreleiar Einar Holm karakteriserer mistilliten frå dei tilsette som "heilt håplaus". Holm seier til NRK at det er heilt uaktuelt å gå av, og at det er naturleg med ulike meiningar om ei samanslåing.
Krev avgang 3. mars
Samanslåingssaka skal truleg opp i generalforsamlinga i midten av april, men 3. mars har MRF styremøte, og der vil dei tillitsvalde be om at Holm går av. Utfallet er førebels uvisst, seier Reidar Tangen i Fagforbundet.