- Eg meiner det er uetisk å operera med desse honorara, samstundes som meklarane gav dei råda dei gav, seier Bremanger kommune sin advokat, Ulf Larsen.
Har aldri vore borti liknande
Medan Bremanger i kommune i verste fall kan tape nærare 100 millionar kroner i samband med gambling på framtidig rentenivå, kunne Terra-meklarane som stod bak salet innkassere ein provisjon på 11 millionar kroner. Det syner tal i ein rapport Fylkesmannen i Sogn og Fjordane nyleg har lagt fram.
- Les også:
- Les også:
Kommunen kjøpte opsjonane i tidsrommet mars 2006 til februar 2007, og på ein opsjon åleine tente meklarane 5,1 millionar kroner. Rådgjevar hos Fylkesmannen i Sogn og Fjordane, Kåre Træen, har aldri vore borti liknande provisjonar.
- Nei, ikkje med ein slik storleik. Så har me aldri vore borti liknande saker, heller.
- Terra har berre tenkt på seg sjølve
Også i samband med Terra-skandalen i 2007, då Bremanger kommune tapte 234 millionar kroner på kjøp av rotne amerikanske verdipapir, kunne meklarane innkassere store provisjonar.
- Les også:
- Les også:
Terra-meklar Knut Anders Opstad er ein av dei som har vore mest aktiv overfor Bremanger kommune. Han har hatt store millioninntekter dei siste åra, men ønskjer ikkje å kommentere saka. Advokat Larsen seier Opstad og dei andre meklarane berre har tenkt på seg sjølv.
- Terra har utelukkande forhandla fram transaksjonar som gav dei sjølve høgast mogleg provisjon. Dei har ikkje handheva mandatet i forhandlingsavtalen. Mandatet gjekk ut på å arbeida for at oppdragsgjevarane sine lånekostnader skulle minimaliserast på tre til fem år.