Administrerande direktør Arvid Andenæs meiner finanskrisa ikkje er over i fylket, og seier 2009 vil vise underskot i mange bedrifter.
«Bedrifter som sel varer og tenester til utlandet er inne i ei krevjande tid med svak ordretilgang, låge prisar og sterk krone. Både verftsindustrien, reiselivet og metallindustrien blør om dagen. I tillegg kjempar torskeoppdrettarane med sviktande marknad og sjukdomsproblem», står det å lese i ei pressemelding frå banken.
Syner att i resultatet
Dette syner igjen på resultatet til for tredje kvartal. Resultatet enda på 104 millionar kroner. Det er nedgang i høve til same periode i fjor, då resultatet var på 195 millionar kroner.
God privatøkonomi
Så langt i år har utlåna til næringslivet gått ned med vel 2 prosent, mens utlåna til privatkundane har auka med 7 prosent.
- Økonomien til folk flest er betre enn nokon gong. Det merkar vi på solid vekst i innskot og god etterspørsel etter huslån. Trass i finanskrise får avdelinga vår for eigedomsmekling eit rekordår med stor omsetnad av bustadar. Særs låg rente og god lønsutvikling er mykje av forklaringa, seier Andenæs.
