Strid i Helse-Førdestyret

Helse Vest sin representant i styret for Helse Førde, Helge Bryne, er inhabil og bør ikkje behandle framlegget til den nye inntektsmodellen. Det meiner Rune Arild Larsen, som er dei tilsette sin representant i styret.

Helge Bryne, viseadministrerande direktør i Helse Vest og styremedlem i Helse Førde
Foto: Pressebilete

Rune Larsen

Rune Larsen, tilsettrepresentant i Helse-Førdestyret

Foto: NRK

Årsaka til at Larsen meiner Bryne er inhabil, er at han også sitter i styret for Helse Stavanger.

Styret i Helse Førde skal i dag handsame framlegget til ny inntektsmodell, der Helse Førde får 12 millioner kroner mindre enn budsjettert.

- Skjerming av Stavanger

Larsen meiner modellen er ei skjerming av Helse Stavanger på kostnad av Helse Bergen og Helse Førde.

Helge Bryne stiller seg uforståande til kritikken, og seier det får bli opp til styret å vurdere habiliteten hans.