Ifølgje ein rapport som Bergens Tidende refererer til i dag, fann ein i 1994 ut at steinen hadde store skader.
Det blei funne både horisontale og diagonale sprekkar i breisidene av krossen, og ifølgje rapporten medførte dette høg skadegrad. I tillegg til sprekkane skal det også ha vore holrom inne i krossen.
I slutten av april skjedde det som ikkje skulle skje. Olavskrossen utanfor Eivindvik kyrkje har truleg stått i snart tusen år, etter at den ifølgje segna vart sett opp av Olav den heilage i 1023.
I samband med at ein skulle fjerne eit tre som ein meinte stod farleg til for krossen, ramla ei grein ned på krossen. Den øvste delen av krossen vart knekt av og det står berre att ein liten stump.
- LES OGSÅ:
- LES OGSÅ:
Fylkeskonservator Eva Moberg i Sogn og Fjordane seier til Bergens Tidende at ein ikkje ser nokon samanheng mellom dei skadane som vart påviste for 18 år sidan og uhellet.
– Knekkpunktet er på ein annan stad enn der rapporten frå 1994 påpeika sprekkar og holrom, seier Moberg til BT.
- LES OGSÅ:
