– Dette var ein typisk 0–0 kamp. Vi følte eigentleg at vi fekk dei inn i vårt spor. Når det då kjem ei skåring på overtid så er det veldig skuffande, seier Sogndalstrenar Eirik Bakke etter kveldens eliteseriekamp mot Lillestrøm.
I førre kamp enda det 2–2 mot Molde som no ligg på sølvplass. I dag kjempa Sogndal om viktige poeng i botnen av tabellen. Kampen var ganske treig og lite skjedde. Det såg lenge ut til å gå mot uavgjort, men så slo rutinerte Frode Kippe til med ei skoring på overtid.
– Vi hadde fortent å ta med oss poeng frå denne kampen. Vi lære av dette og røyse oss opp igjen. No ser vi framover mot kampen mot Sarpsborg neste helg, seier Bakke.