frå Høyanger var høgreback, frå Sogndal midtstoppar og frå Leikanger kantspelar.
Elise Thorsnes måtte forlate bana etter 47 minutt på grunn av ein ankelskade som har plaga henne ei stund. Dei to andre fekk spele heile kampen.
Sjølv om det ikkje var moro med skaden syntest Elise Thorsnes det var stort å spele mot Wolfsburg.
– Det var ei kjekk oppleving. Champions League er det største du kan oppleve innan klubbfotball. Vi heldt dei godt lenge og spelte ein god kamp, så eg er nøgd.
- LES OGSÅ:
– Kan slå dei
Stabæk tapte 1–0 på heimebane mot det tyske laget som vann heile Champions League i fjor. Dette er det suverent sterkaste tyske laget. Ein stor del av det tyske landslaget spelar der, i tillegg til den norske landslagsspelaren Caroline Graham Hansen.
Men Elise Thorsnes meiner Stabæk kan vinne returkampen i Tyskland.
– Dei var ikkje så gode som eg trudde, så med litt flaks så kan vi slå dei.
Ho veit ikkje enno kor alvorleg skade ho har fått.
– Eg skal på sjekk i dag, så har vi viktige seriekampar som vi må vinne for å ta seriemeisterskapen. Eg spelar kamp når eg er klar for det.
– God oppskrift
Ho rosar miljøet i Stabæk.
– Vi er ein god gjeng som er ein del i lag på fritida også, og det er ikkje slik at vi som er frå Sogn heng ekstra mykje i lag.
Men ho er stolt over at det er tre spelarar som er fostra opp i Sogn som har plass i førsteellevaren til Stabæk.
– Det viser at sjølv om du kjem frå ein liten plass så går det an, eg trur det er ei god oppskrift å kome frå bygda.