– Dette er rett utanfor Dyrdal i Nærøyfjorden. Absolutt ei spektakulær oppleving, seier Kristin Skahjem.
Ho anslår at det var om lag åtte spekkhoggarar i flokken som jakta og leika i området.
– Dette er tredje gongen dei er innom fjorden her i år. Eg var så heldig å få sjå dei også i januar, så dette var mitt andre møte med spekkhoggarar i år, seier Skahjem.
At spekkhoggarar tar turen til fjordane i Sogn og Fjordane er ikkje uvanleg. I fjor vart denne gjengen fanga på film i Førdefjorden og ein dryg månad seinare fekk ein familie nærkontakt med ein flokk i Sværefjorden i Balestrand.