NRK Meny
Normal

Sogndal vonar supermålvakta vel dei - men rådgjevar seier nei

Sogndal, Molde og Start vil gjerne ha han, superkeeper Ørjan Nyland frå cupfinalevinnar Hødd. No vonar sogningane at valet fell på dei.

Alt før cupfinalen hadde Sogndal tilbydd Hødd-keeper Ørjan Nyland kontrakt frå neste år. 
Men det spørs om han framleis er interessert, etter å ha vorte kåra til den store helten i ein høgdramatisk kamp på Ullevaal.

KAN VELGJE: Ørjan Nyland sin magiske innsats mot Tromsø gjer han til ein attraktiv spelar på overgangsmarknaden.

I Sogndal står målet tomt etter at Kenneth Udjus pakka målvakthanskane og sette kursen for ny bustad i Oslo og spel for Lillestrøm.

Lenge før cupfinalen hadde Sogndal sett føre seg 22 år gamle Ørjan Nyland som Udjus sin erstattar.

– Eg skal ikkje leggje skjul på at Ørjan er ein av dei vi siktar mot, og det var i forkant av cupfinalen, seier Sogndal sin keepertrenar, Terje Skjeldestad.

– Vonar vi når fram

Men superspelet i cupfinalen mot Tromsø, der feberredningane kom raskare enn pengane inn på skipsindustrikontoane i Ulsteinvik, gjorde ukjende Nyland til ein rikskjendis. Kanskje vert det andre klubbar som slår kloa i stortalentet.

– Det vil tida vise, eg trur at i eit langsiktig sportsleg utviklingsperspektiv, så trur eg at vi har eit unikt konsept å tilby til Ørjan. Speletid og tryggleik for ein målvakt er ganske avgjerande, så vi vonar at vi når fram med det konseptet vi har skissert, seier dagleg leiar i Sogndal Fotball, Egil B. Mundal.

Må ta valet sjølv

Nyland sin rådgjevar, Lars Iver Moldskred, meiner derimot at nyopprykka Start i Kristiansand er staden å dra for Ørjan Nyland.

– Det er både fordelar og ulemper uansett kva ein går. I Start går han kanskje ei litt usikker tid i møte, dei er i eliteserien neste sesong, men det er inga sjølvfølge at det held fram. Det er det er eit val han må ta, seier Moldskred.

Nyland og Moldskred

TIL START: Rådgjevar Lars Iver Moldskred meiner Nyland skal velgje Start framfor Molde - og Sogndal.

Foto: montasje / NTB scanpix

Molde er på bana

Også tippeligavinnar Molde ønskjer å signere Nyland, men dei har to gode målvakter frå før, og der kan han i verste fall risikere å hamne på benken.

Moldskred sitt viktigaste argument for at Nyland skal velgje Start fremfor Molde er speletid. I tillegg trekk han fram Start sin keepertrenar Erik Ruthford Pedersen.

– Dei har ein svært dyktig keepertrenar. Erik var tidlige ute og snakka om det å integrere målvaktene i spelett. I internasjonal fotball har det blitt meir og meir viktig, seier Moldskred.

Aksjonistar i rettsal, aksjonistar lenkar seg fast på Engebøfjellet
Teaterfestivalen i Fjaler  
Frida Melvær møtte innbygarane dagen derpå