NRK Meny
Normal

Sogndal kom aldri i gang mot Tromsø

Tysdag vann Sogndal 3–1 over Sandefjord. Torsdag vart det tap med same siffer mot Tromsø. – Vi kom aldri skikkeleg i gang, resignerer assistenttrenar Ian McParland.

Kristoffer Nesse Stephensen

TAPTE. Eirik Bergum Skaasheim og Sogndal Fotball klarte ikkje å hindre Tromsø i å vinne treningskampen på den spanske solkysten.

Foto: Morten Olsen / Digitalsport

Sogndal fekk det ikkje til i møtet med det nyopprykka eliteserielaget Tromsø.

Robin Shroot sytte for 1–1 til pause då han utnytta ein forsvarsfeil. I løpet av kampens siste kvarter sette Tromsø inn dei to avgjerande måla.

– Vi starta ikkje skikkeleg og vann ikkje duellane. Vi vann ikkje i lufta og vann heller ikkje andreballane så vi fekk i gang pasningsspelet. Det må ein gjere for å vinne kampar, seier assistenttrenar Ian McParland.

Sogndal spelte om Tromsø på La Manga i dag.

SJÅ VIDEO: Ulrik Flo sin reaksjon på treningskampen mot Tromsø. (FOTO/REDIGERING: GUNNAR GRINDSTEIN/NRK)

– Tromsø var kvassare

Mahatma Otoo

IKKJE MÅL: Mahatma Otoo vil skyte Sogndal opp att i eliteserien. Mot Tromsø vart det ingen mål.

Foto: Morten Olsen / Digitalsport

Og Tromsø var klart best i treningskampen på La Manga. Ulrik Flo meiner motstandarane var mest innstilte på å vinne kampen. Mot Sandefjord lukkast Sogndal med høgt press.

Slik vart det ikkje mot Tromsø.

– Dei var kvassare i duellane, køyrde høgt press og slo lange ballar på spissen. Det sleit vi med å handtere, sjølv om vi kom meir og meir med etter kvart, seier han.

– Både fysisk, innsatsmessig og strukturert, så verka Tromsø kvassare, vedgår Flo.

Ein månad til alvoret

Ulrik Flo blir intervjua av Endre Romøren i Sogn Avis

VEDGÅR: – Tromsø var kvassare i duellane, vedgår Ulrik Flo, her i intervju med Sogn Avis etter tapet i treningskampen.

Foto: Gunnar Grindstein / NRK

Sogndal startar 1. divisjon heime mot Bærum 6. april. Flo er nøgd med måten Sogndal står fram på vel ein månad før seriestart.

– Det er svingande resultat, der fått veldig fram det vi har trent på og i andre kampar litt mindre av det vi vil ha fram. Men det er absolutt mykje positivt å ta med seg og ting byrjar å sitte. Klarer vi å stabilisere oss på toppnivået, så er det veldig bra, avsluttar Flo.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.