Sogndal ville hente den islandske fotballspelaren Alexander Magnusson for å teste han ut. Men klubben skal ha sendt flybillettar for å komme til prøvespel, utan at klubben Grindavik på Island hadde gitt løyve. Det skriv VG Nett.
Trenar for Grindavik, Gudjón Thórdarson, seier til avisa at sogningane tok kontakt med tanke på å få 22-åringen på prøvespel.
– Dette sa vi nei til. Deretter høyrde eg at han hadde fått flybillettar og skulle reise til Sogndal. Vi sa igjen nei, og han blei verande her, fortel trenaren.
- LES OGSÅ:
Håvard Flo i Sogndal Fotball seier det ikkje var meininga å gjere noko gale.
– Det var ei misforståing og vi ville aldri lure noko, seier han til nettavisa.