Hovudutvalet for samferdsle hadde saka på sitt bord onsdag, og gjekk inn for å redusere farten, slik Vegvesenet har bedd om.
– Vi gjorde eit vedtak i tråd med tilrådinga frå Vegvesenet. Det blir ein mellombels reduksjon i farten i desse tunnelane, seier leiar i hovudutvalet for samferdsle, Arnstein Menes.
- LES OGSÅ:
- LES OGSÅ:
Skjer så raskt som råd
Etter brannen i Gudvangatunnelen på E16 hausten 2013 har Vegvesenet vurdert tryggleiken i tunnelane i Sogn og Fjordane på nytt. Tolv av tunnelane peikar seg ut som verstingane på vegnettet i fylket, og det er desse som no får redusert fart.
Nøyaktig kor raskt det vil gå å få redusert fartsgrensa, kan ikkje Menes svare på.
– Det blir så raskt som Vegvesenet kan få sett det i verk. Vi har gitt ei fråsegn, så det tek sikkert litt tid, men om ikkje lenge, er det nok på plass, seier Menes.
- LES OGSÅ:
- LES OGSÅ:
Det mest aktuelle strakstiltaket
Vegvesenet meiner at redusert fartsgrense er det mest aktuelle strakstiltaket for å minske risikoen for ulykker i desse tunnelane.
– På sikt håpar vi å få oppgradert tunnelane til ein betre standard, men det er kostnadskrevjande og det vil ta lang tid, seier Magna Vangsnes i Statens vegvesen.
I vurderinga har Vegvesenet lagt mest vekt på at låge tunnelar med liten breidde har eit potensial for møteulykker, med dei konsekvensane det kan få.
I tillegg har Vegvesenet teke omsyn til trafikkmengd, talet på tunge køyretøy, kurvatur og stigning då det påverkar risikoen for at det skal skje ei ulykke.
- LES OGSÅ:
- LES OGSÅ:
Har vurdert tunnelar over 500 meter
Omfanget av utrusting i tunnelen er også viktig, då det kan ha noko å seie for konsekvensane ved ei ulykke.
Vegvesenet har vurdert tunnelane på riks- og fylkesvegnettet som er over fem hundre meter. For tunnelar over fem kilometer er Vegdirektoratet i gang med ein gjennomgang av retningslinjer, og Vegvesenet har bestemt seg for å vente på desse.
Det er òg tunnelar som har breidde og høgde som er større enn dei tunnelane som er føreslegne i tiltaka frå Statens vegvesen.
NRK oppdaterer saka